ماموستایه‌كێ كۆلیژا نۆژدارى ل هه‌رێما كوردستانێ كو نوكه ل زانكۆیا سه‌كه‌ت یا هنگاری ماموستایه و قوتابیێ دكتورایی یه، شیایه بۆ ئێكه‌مین جار ده‌رمانه‌كێ دژى په‌نجه‌شێرا حه‌فكا مالبچیكى یێ ئافره‌تێ ب ده‌ربێخیت ونوكه ژقوناغا تاقیكرنێدا ده‌ربازبویه.
د. هه‌ژمه‌ت عه‌لى یێ كو ئه‌ڤ تاقیكرنه ئه‌نجامدای تایبه‌ت بۆ ئاژانسا خانى راگه‌هاند، ئه‌ڤ ده‌رمانه ژ جورێ 13 ئه‌لفا ئیسترونه كو تا 95% خانه‌یێن په‌نجه‌شێرا حه‌فكا ملبچیكى دكوژیت.
ناڤبرى دیار ژى كر، تا نوكه ئه‌و ده‌رمان د قوناغا تاقیكرنێدایه، لێ پێنگاڤێن مه‌زن تانوكه مه هاڤێتنه.
دیارژى كر، هه‌رێما كوردستانێ ژى وه‌كى هه‌مى وه‌لاتان دشێت خو لێ بكه‌ته خودان به‌لێ ب لێبورینڤه تا نوكه ل هه‌رێما كورستانێ چ تاقیگه‌هێن تایبه‌ت نینن كو ئه‌ڤ كار وشروڤه‌یێن پزیشكی لێ بهێته ئه‌نجامدان. هه‌روه‌سا، دا دیاركرن كو هه‌ر ده‌ما حكومه‌ت خو لێ بكه‌ته خودان، ئه‌و یێ ئاماده‌مه تێدا كاربكه‌ت، دخوازیت ڤان جوره ڤه‌كۆلینان ل زانكۆیا دهۆكێ بكه‌ت و سه‌رێ زانكۆیا دهۆكێ بلندكه‌ت.
ناڤبری ئاماژه ب هندێ ژى كر، زێده‌تر ژ سێ سالایه كار لسه‌ر ڤێ ڤه‌كولینێ دهێته‌كرن و دوهى ب فه‌رمى هاته په‌سه‌ندكرن د گوڤاره‌كا جیهانی یا نوژداریدا.
هه‌روه‌سا گوت: ئه‌ز وه‌ك ڤه‌كۆله‌ره‌ك یێ به‌رهه‌ڤم ئه‌گه‌ر حكومه‌ت هاریكاریا من بكه‌ت سه‌نته‌ره‌كێ تایبه‌ت ڤه‌كه‌ت ژبه‌ركو من گه‌له‌ك په‌یوه‌ندى دگه‌ل زور كه‌سان هه‌نه، ئه‌ز یێ به‌رهه‌ڤم ئه‌وى سه‌نته‌رى برێڤه‌ببه‌م و سه‌رێ كوردستانێ بلند بكه‌م.
