<h3 style="text-align: justify;"><span style="font-size: 18pt;">په‌یڤدارێ حكومه‌تا عیراقێ راگه‌هاند، سه‌قایێ كۆمبوونێن دناڤبه‌را حكومه‌تا ناڤه‌ندى و حكومه‌تا هه‌رێما كوردستانێدا ل دۆر هنارده‌كرنا په‌ترۆلا هه‌رێما كوردستانێ یێ پۆزه‌تیڤه و كۆمبوون د روونن، ره‌نگه ئه‌ڤرۆ یان سووبه‌هى رێككه‌ڤتن بهێته ئاشكراكرن.</span></h3> <h3 style="text-align: justify;"><span style="font-size: 18pt;">باسم عه‌وادى په‌یڤدارێ حكومه‌تا عیراقێ ل دۆر رێككه‌ڤتنا دناڤبه‌را حكومه‌تا هه‌رێما كوردستانێ و حكومه‌تا ناڤه‌ندیدا بۆ ده‌ستپێكرنا هنارده‌كرنا په‌ترۆلا هه‌رێما كوردستانێ گوت: سه‌قایێ كۆمبوونان دناڤبه‌را وه‌زاره‌تا سامێن سرۆشتییین هه‌رێما كوردستانێ و وه‌زارتا په‌ترۆلێدا یێ پۆزه‌تیڤ و باشه، ئه‌و چاڤه‌رێنه ئه‌ڤرۆ یان سووبه‌هى رێككه‌ڤتن بهێته‌كرن و بهێته راگه‌هاندن.</span></h3> <h3 style="text-align: justify;"><span style="font-size: 18pt;">سه‌باره‌ت هووركارییێن رێككه‌ڤتنێ و ده‌مێ ده‌ستپێكرنا هنارده‌كرنا په‌ترۆلا كوردستانێ دیاركر، هێشتا گوتوبێژ دناڤبه‌را هه‌ردوو لایاندا د به‌رده‌وامن، و وه‌سا باشتره هه‌تا راگه‌هاندنا رێككه‌ڤتنێ، چ تشت ل دۆر وى بابه‌تى نه‌هێنه گوتن.</span></h3> <h3 style="text-align: justify;"><span style="font-size: 18pt;">ده‌رباره‌ى بابه‌تێ بودجه‌یا گشتییا عیراقێ كو ئه‌ڤرۆ جێگرێ سه‌رۆكێ جڤاتا نوونه‌رێن عیراقێ ره‌شنڤیسا وێ ره‌وانه‌ى لژنه‌یا دارایى كر، په‌یڤدارێ حكومه‌تا عیراقێ راگه‌هاند، ئه‌و چاڤه‌رێ دكه‌ن دماوێ حه‌فتییه‌ك بۆ 10 رۆژێن داهاتیدا بچیته دبه‌رنامه‌یێ روونشتێن تایبه‌تێن په‌رله‌مانیدا، هیڤییا وان ئه‌وه بۆ به‌رژه‌وه‌ندییا گشتى ل ده‌مه‌كێ نێزیك بهێته په‌سه‌ندكرن.</span></h3>
