<h3 style="text-align: justify;"><span style="font-size: 18pt;">پارتا سه‌رۆكوه‌زیرێن ئیتالیا ب رێكا ده‌ركرنا قانوونه‌كا نوو دڤێت بكارئینانا په‌یڤێن ئینگلیزى د دانوستاندنێن فه‌رمیدا قه‌ده‌غه بكه‌ت، ب جۆره‌كى هه‌ر كه‌سێ په‌یڤێن ئینگلیزى بكاربینیت دێ ب 100 هزار یورۆیان هێته سزادان.</span></h3> <h3 style="text-align: justify;"><span style="font-size: 18pt;">فابیۆ رامپێلى ئه‌ندامێ پارتا برایێن ئیتالیا ل په‌رله‌مانێ وه‌لاتێ خوه پرۆژه قانوونه‌ك پێشكێشكر و ژلایێ جۆرجیا مێلۆنى سه‌رۆكوه‌زیرێن ئیتالیا ڤه پشته‌ڤانى لێ هاته‌كرن.</span></h3> <h3 style="text-align: justify;"><span style="font-size: 18pt;">د ده‌مه‌كیدا پرۆژه قانوون هه‌موو زمانێن بیانى بخۆڤه‌دگریت، سه‌رنج كه‌ڤته سه‌ر ئه‌نگلۆمانیا ئانكۆ بكارئینانا په‌یڤێن زمانێ ئینگلیزى، كو وه‌كو ره‌شنڤیس دیاردكه‌ت، زمانێ ئیتالى سڤك دكه‌ت و دكوژیت.</span></h3> <h3 style="text-align: justify;"><span style="font-size: 18pt;">پرۆژه قانوون كو دڤێت ل په‌رله‌مانى دانوستاندن ل سه‌ر بهێنه‌كرن و ده‌نگ ل سه‌ر بهێته‌دان، ئه‌و كه‌سێن ل فه‌رمانگه‌هێن نه‌حكومى كار دكه‌ن، دێ هێنه نه‌چاركرن زانیارییێن تمام ل سه‌ر زمانێ ئیتالى هه‌بن، هه‌روه‌سا بكارئینانا زمانێ ئینگلیزى د نڤیسینا به‌لگه‌نامه‌یێن فه‌رمیدا دێ هێته قه‌ده‌غه‌كرن، و ناڤێن كورت یێن ئینگلیزى ل كار و پیشه و كۆمپانییان دێ هێنه قه‌ده‌غه‌كرن.</span></h3> <h3 style="text-align: justify;"><span style="font-size: 18pt;">ل دووڤ پرۆژه قانوونێ، هه‌موو ئه‌و كۆمپانییێن بیانى یێن ل ئیتالیا كاردكه‌ن، دڤێت قانوون و رێنمایان و هه‌ڤبه‌ستێن دامه‌زراندنێ ب وه‌شانا ئیتالى هه‌بن، د ره‌شنڤیسێ پرۆژه‌یدا هاتییه، ئه‌ڤه ب تنێ بابه‌تێ مۆدێ نینه، ژ مۆدێ ده‌رباز دبیت، لێ ئه‌نگلۆمانیا كارڤه‌دان ل سه‌ر كۆمه‌لگه‌هێ ب گشتى هه‌یه.</span></h3> <h3 style="text-align: justify;"><span style="font-size: 18pt;">مادده‌یێ دووێ یێ پرۆژه قانوونێ، زمانێ ئیتالى دكه‌ته زمانێ نه‌چارى بۆ پێشڤه‌برن و بكارئینانا كه‌لۆپه‌لێن خزمه‌تگوزارییێن گشتى ل ئیتالیا، ئه‌و كه‌سێن پێشلكارییا وى مادده‌ى دكه‌ن، دێ دناڤبه‌را 5,000 هه‌تا 100,000 یورۆیاندا هێنه سزادان.</span></h3> <h3 style="text-align: justify;"><span style="font-size: 18pt;">ل دووڤ قانوونا پێشنیازێ، وه‌زاره‌تا ره‌وشه‌نبیرییا ئیتالیا دێ لژنه‌یه‌كێ بۆ راستكرنا بكارئینانا زمانێ ئیتالی ل قوتابخانه، میدیا، بازرگانى و ریكلاماندا پێكئینیت.</span></h3>
