<h3 style="text-align: justify;"><span style="font-size: 18pt;">د. محهمهد شوكرى سهرۆكێ دهستهیا وهبهرهێنانێ و ئهحمهد زاهرى كونسۆلێ ئیماراتێ ل ههرێما كوردستانێ كۆمبوون.</span></h3> <h3 style="text-align: justify;"><span style="font-size: 18pt;">دكۆمبوونێدا دووپاتى ل سهر گرنگییا بهرفرههكرنا رێژهیا وهبهرهێنانا ئیماراتێ هاته كرن، ههردوو لایهن ژى ل سهر هناردهكرنا زێدهتر یا بهرههمێن چاندنێ و خوارنێ و خۆمالى بۆ ئیماراتێ دههڤرابوون.</span></h3> <h3 style="text-align: justify;"><span style="font-size: 18pt;">كونسۆلێ گشتییێ ئیماراتێ پهسنا بهرههمێن ههرێما كوردستانێ ژلایێ شێوه و تامێڤه بهراورد دگهل بهرههمێن وهلاتێن دهڤهرێ كر و راگههاند، بهرههمێن كوردستانێ ل ئیماراتێ ههڤركییا بههرا پترا وهلاتان دكهن و خواستهكا مهزن ل سهره.</span></h3> <h3 style="text-align: justify;"><span style="font-size: 18pt;">سهرۆكێ دهستهیا وهبهرهێنانێ راگههاند، ههر چییا دشیانێن واندا بیت بۆ ئاسانكارییان دگهل وهبهرهێنهر و خۆدانكارێن ئیماراتى دێ كهن و كێمخهمییێ دڤێ چهندێدا ناكهن.</span></h3> <h3 style="text-align: justify;"><span style="font-size: 18pt;">ئیمارات ژ ئێك ژ وان وهلاتان دهێتههژمارتن كو پترین وهبهرهێنان ل ههرێما كوردستانێ كرییه، و زێدهتر ژ 150 كۆمپانییێن وێ ل ههرێما كوردستانێ ههنه، ژ وان ژى كۆمپانییا دانهگاز كو د كهرتێ پهترۆل و گازێدا كار دكهت.</span></h3>
