مامۆستایەکێ زانکۆیێ: پێدڤییە ھەموو لایەن پشتەڤانییا سه‌رۆكێ حكومه‌تا هه‌رێما كوردستانێ بکەن

ئاژانسا خانی ” تایبەت:

مامۆستایەکێ زانکۆیێ دبێژیت، رادەستکرنا نەفتێ شکەستن نینە و سەرکەفتنەکا دییە  بۆ ب ھێز کرنا ئابوورێ ھەرێما کوردستانێ و دبێژیت، پێدڤییە ھەموو لایەن پشتەڤانییا پێنگاڤێن مەسرور بارزانی بکەن.

د. ئیبراھیم رەمەزان، مامۆستایێ زانکۆیێ بۆ ئاژانسا خانی دیارکر” رادەست کرن و دانانا شێوازەکێ نوو بۆ ئیدارەدانا نەفتا ھەرێما کوردستانێ شکەستن نینە، بەلکو جۆرەک ل کارکرنێ و شێوازەکە بۆ دوبارە رێکكەفتنا ھەرێما کوردستانێ ل گەل بەغدا، رێکكەفتنا ھاتییە کرن باشترین چارەسەرە بۆ رەوشا نوکە یا ھەرێما کوردستانێ و خەلکێ کوردستانێ، بدیتنا من رادەستکرنا نەفتێ تەسلیم بوون نینە، چونکی د چارچوڤێ رێکكەفتنەکا سیاسی و ئابووریە، مەسرور بارزانی سەرۆکێ حوکمەتا ھەرێما کوردستانێ دڤێت وێ رێکێ ژی تاقی بکەت ب مەرەما برسی نەکرنا وەلاتی یێن ھەرێمێ.

ناڤهاتی گۆت ژی” ئەز پێنگاڤا سەرۆکێ حوکمەتێ ب سەرکەفتن دزانم بۆ برێڤەبرنا ھەرێما کوردستانێ سیاسەتەکا ژیرانە و دبلۆماسی و ئابووریە، ژبەرکو دوبارە دارشتنا سیاسەتا ئابووریا ھەرێمێ تشتەکێ حەتمییە و پێدڤییە لەز بھێتە کرن بۆ پێداچوونێ، ھەروەسا ژێدەرێ داھاتی بھێتە بەرفرەھکرن و گرنگییا زێدەتر ب کەرتێ چاندنێ و پیشەسازی و گەشتیاری بھێتە دان، بدیتنا من بۆ دوبارە نەبوونا سیاسەتێن شاش یێن بەرێ پێدڤیە ھەموو لایەن پشتەڤانیا سەرۆکێ حوکمەتێ بکەن.