ب دله‌كێ خه‌مگين مه وه‌غه‌را دووماهيیێ يا تێكۆشه‌ر و پێشمه‌رگه و خه‌باتكارێ دێرينێ كوردستانێ، خودێ ژێ ڕازى مسته‌فا ئامێدى بهيست. ب گه‌رمى به‌هيدارى و سه‌رساخيیێ ل مالبات و كه‌سوكار و هه‌ڤال و هه‌ڤسه‌نگه‌رێن وى دكه‌ين، هه‌ڤسۆز و هه‌ڤخه‌مێن وانين.
ژ خودایێ مه‌زن هيڤيخوازين گيانێ وى بێخته به‌ر ميهره‌بانى و دلۆڤانييا خۆ و سه‌بر و ئاراميێ بده‌ته هه‌ميیان.
خودێ ژێ ڕازى مسته‌فا ئامێدى، وه‌ك تێكۆشه‌ره‌ك هه‌مى ژيانا خۆ پێشكێشى گه‌ل و وڵاتێ خۆ كر و ب خه‌بات و خزمه‌تا خۆ يا مه‌زن بۆ كوردستانێ ل سه‌رده‌مێ شۆڕه‌شێ و پێشمه‌رگاتيیێ، جهه‌كێ هه‌ژى دناڤ گه‌لێ خۆدا گرتبوو.
بيرهاتنا وى دێ هه‌رگاڤ ساخ و زندى بيت و گيانێ وى هه‌ر شاد بيت.
نێچيرڤان بارزانى
سه‌رۆكێ هه‌رێما كوردستانێ
