وه‌لاتییێن بیانى و عیراقى بۆ وه‌رگرتنا چاره‌سه‌رییا نوشدارى دهێنه هه‌رێما كوردستانێ و ب تنێ ل سالا بوورى 150 هزار نه‌خۆشان سه‌ره‌دانا نه‌خۆشخانه‌یێن هه‌رێما كوردستانێ كرییه.
وه‌زاره‌تا ساخله‌مییا حكومه‌تا هه‌رێما كوردستانێ راگه‌هاند، ب تنێ ل سالا بوورى نێزیكى 150 هزار وه‌لاتییێن بیانى سه‌ره‌دانا نه‌خۆشخانه‌یێن تایبه‌تێن هه‌رێما كوردستانێ كرییه.
د. ئه‌ژین ئیسماعیل رێڤه‌به‌رێ ده‌زگه‌هێن ساخله‌مى یێن تایبه‌ت دیاركر، ل هه‌رێما كوردستانێ نێزیكى 58 نه‌خۆشخانه‌یێن تایبه‌ت پێشوازى ل نه‌خۆشێن ناڤخۆ و بیانى دكه‌ن و چار نه‌خۆشخانه‌یێن دى ژى د قووناغا درووستكرنێدانه.
