یادگار مه‌حموود: پشتی جەژنێ بودجەیێ عیراقێ دێ ھێتە پەسەند کرن

ئاژانسا خانی ، تایبەت:

پەرلەمانتارەکا پارتی ل پەرلەمانێ عێراقێ ئاشکرا کر، پەسەندکرنا پڕۆژە قانوونا بودجێ عێراقێ دێ کەڤیتە پشتی جەژنا رەمەزانێ و چەندین خال د بەرژەوەندییا ھەرێما کوردستانێ دناڤا قانوونا بودجەیی دا ھەنە.

یادگار مەحموود، پەرلەمانتارا فڕاکسیۆنا پارتی ل پەرلەمانێ عێراقێ بۆ ئاژانسا خانی دیار کر” بڕیارە ل چەند رۆژێن بهێت دا پەرلەمان دەست ب خواندنا پڕۆژە قانوونا بودجەیی بکەت و پێشبینی دھێتە کرن بۆ دەمێ ھەیڤەکێ دانوستاندن لسەر پڕۆژە قانوونا بودجەیی یا بەردەوام بیت و پشتی جەژنا رەمەزانێ دێ بودجە ھێتە پەسەندکرن ژلایێ پەرلەمانێ عێراقێ ڤە.

ناڤهاتییێ گۆت ژی” خالێن باش بۆ ھەرێما کوردستانێ دناڤا پڕۆژە قانوونا بودجێ عێراقێ دا ھەنە و بەری پڕۆژە بھێتە پەرلەمانی رێکكەفتنا سیاسی ل سەر ھاتییە کرن و ھەر دەمێ وەک خوە بھێتە پەسەندکرن ئەڤە بێگومان دێ د بەرژەوەندییا وەلاتی یێن ھەرێما کوردستانێ دابیت و شایستەیێن خەلکێ کوردستانێ دێ ھێنە مەزاختن لدووڤ ده‌ستووری و قانوونێ.