ئەڤ ساله‌ د 10 رۆژان دا دێ پارێ گەنمێ جۆتیاران هێته‌ خەرج كرن

     

ئەڤرۆ سێشەمبی، وەزارەتا بازرگانییا عێراقێ دو پلان بۆ بازاڕکرن و دابینکرنا گەنمی راگەهاندن، هەروەسا سەرۆکوەزیرێن عێراقێ، ب كوژمێ 500 ملیار دینار ئامادە کرینە بۆ شایستێن دارایی یێن جۆتیاران.

محەمەد حەنون، په‌یڤدارێ وەزارەتا بازرگانییا عێراقێ راگەهاند، گه‌له‌ك گرنگی بۆ وەرزێ ب بازاڕکرنا گەنمی هەیە، کو ل ئێكی هه‌یڤا نیسانێ دەستیپێکرییە، هەموو رێکار ژی بۆ وەرزێ ب بازارکرنێ گرتینه‌ به‌ر.”.

حەنونی گۆت ژی: “محەمەد شیاع سوودانی، سەرۆکوەزیرێن عێراقێ، ب كوژمێ 500 ملیار دیناران ئامادە کرینە، وەکو شایستێن دارایی یێن جۆتیاران، ئەڤه‌ جارا ئێكێ یه‌ حکومەت پێش دەستپێکرنا وەرگرتنا گەنمێ جۆتیاران وی كوژمێ پارەیی تەرخان دكه‌ت”.

هه‌روه‌سا گۆت ژی: “ئەو جۆتیارێن کو گەنمێ خۆ رادەست دكه‌ن ب تنێ د ماوەیێ 10 رۆژان دا دێ پارێ گەنمێ خۆ وەرگرن”.

په‌یڤدارێ وەزارەتا بازرگانییا عێراقێ دیار كر ژی ، دهێته‌ پێشبینی كرن گەنمێ بازاڕکری بگه‌هیتە 4 ملیۆن ته‌نان، پێدڤییا پشكا خوارنێ یا وه‌لاتییان ژی ب 4 ملیۆن و 500 هزار ته‌نێن ئارییه‌.