خه‌دیجه‌ عومه‌ر: رێکكەفتنا دوھی دەرگەھەک بۆ چارەسەرکرنا ئاریشێن دی ژی ڤەکر

ئاژانسا خانی ” تایبەت:

ئەندامەکا لژنا قانوونی ل پەرلەمانێ کوردستانێ ئاشکرا کر، رێکكەفتنا دوھی یا دناڤبەرا مەسرور بارزانی و سوودانی دا ھاتییە ئیمزا کرن دەرگەھەک بۆ چارەسەرکرنا ئاریشێن دژی ڤەكر و دبێژیت، ھەرێم دێ پێگیری وێ رێکكەفتنێ بیت.

خەدیجە عومەر، ئەنداما لژنا قانوونی پەرلەمانێ کوردستانێ بۆ ئاژانسا خانی دیاکر” رێکكەفتنا دوھی یا دناڤبەرا ھەرێما کوردستانێ و بەغدا ھاتییە ئیمزا کرن دەرگەھەک ڤەکر بۆ چارەسەرکرنا ئاریشێن دی ژی یێن ھەلاویستی، بێگومان ئەڤێ رێکكەفتنێ دێ کاریگەریێن زۆر باش ھەبن بۆ ھەرێم و بەغدا، ژبەرکو د بەرژەوەندییا ھەردو ئالییان دایه‌ و ھەرێما کوردستانێ ژی پێشوازی ل وێ رێکكەفتنێ کرییە، بەری نوکە ژی حوکمەتا ھەرێما کوردستانێ بەرھەڤی ھەبوو بۆ ھەموو رێکكەفتنەکێ، بەلێ حوکمەتێن ئێک لدووڤ ئێکێن عێراقێ پێگیر نەدبوون.

ناڤهاتییێ گۆت ژی” عێراق دێ پڕۆژە قانوونا بودجەیی بۆ سێ سالان پەسەند کەت و پشکا ھەرێما کوردستانێ ژی تێدایە، ئەگەر پشکا ھەرێمێ وەک خوە بھێتە ھنارتن ئەڤە بێگومان دێ پەرلەمانێ کوردستانێ ژی پڕۆژە قانوونا بودجەیی بەرھەڤ کەت وەکی سالێن بەرێ، چونکە نەبوونا قانوونا بودجەیی ل سالێن بۆری ل ھەرێما کوردستانێ گرێدایی نەبوونا داھاتەکێ جھگیربوویه‌.