مهسرور بارزانى هیڤى خواستن، ئهو رێككهڤتنه وهكو خوه و ل نێزیكترین دهم بهێته بجهئینان و ببیته بنهمایهكێ باش بۆ بجهئینانا قانوونا بودجهى و ئامادهكرنا پرۆژه قانوونا پهترۆل و گازا فیدرالى.
ههر ل دووڤ راگههاندنێ، د برگهیا دووێ یا كۆمبوونێدا ڤالا فهرید وهزیرا ههرێمێ بۆ كاروبارێن پهرلهمانى و سامان بهرزنجى وهزیرێ ساخلهمییێ، كورتییهك دهربارهى ئارمانج و پێكهاته و تایبهتمهندییێن پرۆژه قانوونا ( وهزارهتا ساخلهمییا ههرێما كوردستانێ ) خواند.
ئاماژه ب هندێ ژى كر، ئارمانج ژ ڤى پرۆژهى باشتركرن و بلندكرنا ئاستێ خزمهتگوزارییێن ساخلهمییێ و چاكسازیكرنه ل سیستهمێ ساخلهمییێ د بهرژهوهندییا وهلاتییاندا و رێكخستنا رێكارێن كاركرنێ ل كهرتێن گشتى و تایبهت و بهرچاڤ وهرگرتنا مافێن نهخۆشییه.
برگهیا دووماهییا كۆمبوونێ یا تایبهت بوو ب دیاركرنا بابهتێ بلندبوونا بهایێ كهلۆپهل و پێدڤییان ل بازارى سهربارى داكهڤتنا بهایێ دۆلارى بهرامبهر دینارێ عیراقى، و چهوانییا چاڤدێریكرن و كۆنترۆلكرنا گرانییا بهاى ل بازاران.
ل دۆر ڤێ چهندێ رێبهر ئهحمهد وهزیرێ ناڤخۆ و ئومێد سهباح سهرۆكێ دیوانا جڤاتا وهزیران و وهزیرێن پهیوهندیدار روونكرن و زانیارى و راسپاردهیێن پێدڤى بۆ كۆنترۆلكرنا بازاران و بهایێن كهلۆپهلان و كێمكرنا بارگرانییێ ل سهر ملێن وهلاتییان پێشكێشكرن.
