<h3 style="text-align: justify;"><span style="font-size: 18pt;">وه‌زیرێ ساخله‌مییا هه‌رێما كوردستانێ راگه‌هاند، ئه‌و بۆ راده‌ستكرنا وان هاریكارییێن وه‌زاره‌تا ساخله‌مییێ و ئه‌و هاریكارییێن ژلایێ وه‌لاتییێن هه‌رێما كوردستانێ ڤه بۆ زیانڤێكه‌ڤتیێن توركیا و باكوورێ كوردستانێ هاتینه كۆمكرن، راده‌ست بكه‌ن.</span></h3> <h3 style="text-align: justify;"><span style="font-size: 18pt;">د. سامان به‌رزنجى وه‌زیرێ ساخله‌مییا هه‌رێما كوردستانێ د پرێسكۆنفرانسه‌كیدا راگه‌هاند، پشتى ئه‌درهه‌ژا توركیا، وه‌زاره‌تا ساخله‌مییێ ل هه‌رێما كوردستانێ هه‌وه‌كا كۆمكرنا هاریكارییان بۆ بریندارێن ئه‌وێ كاره‌ساتێ ده‌ستپێكر.</span></h3> <h3 style="text-align: justify;"><span style="font-size: 18pt;">د. سامان به‌رزنجى ئاشكراكر، د وێ هه‌وێدا رێكخراوێن مرۆڤى و كۆمپانى و كۆگه‌هێن ده‌رمانان هاریكارییه‌كا مه‌زن كر، و ئه‌و شیان نێزیكى 50 ته‌نێن ده‌رمان و پێدڤییێن نوشدارى كۆمبكه‌ن كو 258 بابه‌تێن نوشدارى ب خۆڤه‌دگریت.</span></h3> <h3 style="text-align: justify;"><span style="font-size: 18pt;">وه‌زیرێ ساخله‌مییا هه‌رێما كوردستانێ ئاماژه ب هندێ ژى دا، بۆ گه‌هاندنا ئه‌وان هاریكارییان هه‌موو رێكار ب رێكا فه‌رمانگه‌ها په‌یوه‌ندییێن ده‌رڤه‌ى حكومه‌تا هه‌رێما كوردستانێ دگه‌ل كونسۆلخانه‌یا توركیا تمامكرینه، و هه‌موو ده‌رمان و پێدڤییێن نوشدارى ژ فیلته‌رێ كۆنترۆلێ جۆرى ده‌ربازبوون، بۆ هندێ پێدڤییێن نوشدارى ب كۆالیتییه‌كا بلند پێشكێشى زیانڤێكه‌ڤتییێن ئه‌ردهه‌ژێ بهێنه‌كرن.</span></h3>
