ڕاگەهاندنا ساخلەمیا ئاکرێ بۆ ئاژانسا خانی ڕاگەهاند، ژنەکا 35 سالی ب ناڤێ “ش.ح” خەلکا گوندێ ئێکمالە یا سەر ب ناحیا گردەسین ل سنوورێ قەزایا ئاکرێ، ئێڤارییا ئەڤرۆ پشتی دانانا دەرزییەکا تایبەت ب نەخۆشییێن هەستیارییێ، گیانێ خوە ژ دەستدا و تەرمێ وێ بۆ نۆشدارییا داد یا دهۆکێ هاتییە ڤەگۆهاستن.
نێچیرڤان فەخرەدین بەرپرسێ ڕاگەهاندنا ساخلەمییا ئاکرێ گۆتژی، حالەتێ وێ ژنێ ل نەخۆشخانێن حکومی یێن سنوورێ وان نەهاتییە تۆمارکرن و ئەو دەرزی ژلایێ فەرمانبەرێن ساخلەمییا وانڤە نەهاتییە دانان، بەلکو ئەوێ ژنێ دەرزی ل کلینیکەکا تایبەت دانایه.
