وه‌زاره‌تا چاندنێ : پشتى جه‌ژنا ره‌مه‌زانێ بهایێ مریشكان دێ داكه‌ڤیت

رێڤه‌به‌رێ سامانێن په‌له‌وه‌ران ل وه‌زاره‌تا چاندنێ دبێژیت: داكو زیان ب خۆدانێن په‌له‌وه‌ران نه‌كه‌ڤیت، دڤێت مریشك ب سێ هزار دیناران بهێته‌ فرۆتن و وه‌زاره‌ت ژى كار ل سه‌ر هندێ دكه‌ت و دیاركر، پشتى جه‌ژنا ره‌مه‌زانێ بهایێ مریشكان دێ داكه‌ڤیت، لێ نابیت بۆ دبن سێ هزار دیناراندا دابكه‌ڤیت، ژبه‌ركو دێ زیان ب خۆدانێن په‌له‌وه‌ران كه‌ڤیت.

بهایێ ئێك كیلۆیا مریشكان ل هه‌رێما كوردستانێ ب زێده‌تر ژ چار هزار دیناران دهێته‌ فرۆتن، وه‌زاره‌تا چاندنێ یا هه‌رێما كوردستانێ ئه‌گه‌رى بۆ هندێ ڤه‌دگه‌رینیت كو ل سالێن بوورى زیانه‌كا مه‌زن گه‌هشتبوو خۆدانێن په‌له‌وه‌ران.

فیراس سه‌دیق رێڤه‌به‌رێ سامانێن گیانه‌وه‌ران ل وه‌زاره‌تا چاندنێ یا هه‌رێما كوردستانێ دیاركر، ئه‌گه‌رێ گرانبوونا بهایێ مریشكان بۆ هندێ ڤه‌دگه‌ریت كو خۆدانێن په‌له‌وه‌ران بۆ ده‌مێ چه‌ند سالانه‌ ب زیان مریشكان د فرۆشن، نوكه‌ نه‌چاربوون به‌رهه‌مى كێم كه‌ن، ئه‌ڤێ ژى وه‌كر كو بهایێ مریشكان بلند ببیت، و گوت: ئێك كیلۆیا مریشكێ ب 2600 دیناران ل سه‌ر خۆدانێن په‌له‌وه‌ران دراوه‌ستیت، له‌وما دڤێت ب 3000 هزار دیناران بهێته‌ فرۆتن.