عێراق 350 ملیار دیناران بۆ سەرژمێرییا گشتی یا ئاكنجییان ته‌رخان دکه‌ت

بریارە ئەڤ ساله‌ عێراق سەرژمێرییا گشتی یا ئاكنجییان بكه‌ت و وەزارەتا پلاندانانێ دبێژیت، ئه‌و د رژدن ل سەر ئەنجامدانا وێ سەرژمێرییێ.

وەزارەتا پلاندانانا عێراقێ دبێژیت، ئه‌و درژدن ل سەر ئەنجامدانا سەرژمێرییا گشتی یا ئاكنجییان ل دووماهییا سالا 2023 ێ، ئەڤه‌ بۆ ئێکەمجارە پشتی دووماهی سەرژمێرییا گشتی كو ل سالا 1987 ێ هاتبوو كرن.

 د ره‌شنڤیسێ بودجەیێ سالا 2023 ێ” یێ عێراقێ دا و د چارچۆڤێ خەرجی یێن حاکیمە دا، 350 ملیار دینار بۆ ئەنجامدانا سەرژمێرییێ ل عێراقی هاتینه‌ تەرخانکرن؛ ژ وێ هژمارێ ژی 44 ملیار و 345 ملیۆن دینار وەکو پشکا هەرێما کوردستانێ هاتینه‌ دیار كرن.