سیروان محه‌مه‌د: ب زه‌حمه‌ت ئه‌ڤ ساله‌ سه‌رژمێرییا گشتی یا ئاكنجییان ل عێراقێ بهێته‌ كرن

ئاژانسا خانی ، زنار تۆڤی:

سیروان محەمەد، سەرۆکێ دەستەیا ئامارا هەرێما کوردستانێ” بۆ ئاژانسا خانی دیار كر:  ب زه‌حمه‌ت ئه‌ڤ ساله‌ سەرژمێرییا گشتیی یا ئاكنجییان ل عیراقێ بهێته‌ كرن” هه‌كه‌ هات و پاره‌ ژی ژ لایێ حكومه‌تا عێراقی ڤه‌ بۆ بهێنه ‌ته‌رخان كرن” هه‌ر سه‌رژمێری ناهێته‌ كرن” چونكی به‌ری نوكه‌ مه‌ بریار دابوو” دناڤبه‌را هه‌یڤا ( 10- 11) یا ئه‌ڤ ساله‌ سه‌رژمێری ل عیراقێ بهێته‌ كرن” به‌لێ ئه‌و ژێرخانا پێدڤی بۆ ئه‌نجامدانا سه‌رژمێرییا گشتی ب شه‌ش هه‌یڤان ته‌مام نابیت” ب كێماسی ڤه‌ ڤێ پرۆسێ دو هه‌تا سێ سالان كارێ به‌رده‌وام دڤێت” هه‌تاكو بشێین بگه‌هینه‌ وی ئاستی و سه‌رژمیرییێ ئه‌نجام بده‌ین” ژبه‌ركو سه‌رمێرییا ئه‌لكترۆنی پێدڤی ب چه‌ند قووناغان هه‌یه‌ و هه‌تا نوكه‌ ئه‌و قووناغه‌ نه‌هاتینه‌ ئه‌نجامدان.

ناڤهاتی ئه‌و چه‌ند ژی گۆت: هه‌كه‌ ئه‌و پارێ هاتییه‌ ته‌رخان كرن” كو حكومه‌تا عێراقێ دبێژیت مه‌ 350 ملیار دینار بۆ ئه‌نجامدنا سه‌رژمێرییا گشتی یا ئاكنجییان ته‌رخانكرینه‌” لبه‌ر ده‌ست ژی بن” ئه‌م دشێین ل دووماهییا سالا 2024 ێ یان ژی ل ده‌ستپێكا سالا 2025 ێ ئاماده‌كارییان ته‌مام بكه‌ین و خۆ بۆ ئه‌نجامدانا سه‌رژمێرییا گشتی ل عیراقێ به‌رهه‌ڤ بكه‌ین.

 سیروان محه‌مه‌د هێشتا دبێژیت: ئه‌ڤه‌ ده‌مه‌كێ درێژه‌ کۆمبوونا ده‌ستهه‌لاتا بلند یا سەرژمێرییێ نه‌هاتییه‌ كرن، دیسان سەرژمێری ل ده‌ڤه‌رێن کوردستانی یێن دەرڤه‌یی ئیدارا هەرێما کوردستانێ د دیار نینن” كانێ دێ چاوا هێنه‌ كرن.

لدووڤ خەملاندنێن وەزارەتا پلاندانانا عێراقێ، ل سالا 2022 ێ” هژمارا ئاكنجی یێن عیراقێ 42 ملیۆن و 248 هزار و 883  کەس بووینە.