هندرین محه‌مه‌د سالح: پێدڤییه‌ له‌ز د كاراكرنا كۆمسیۆنێ دا بهێته‌ كرن     

ئاژانسا خانی:

سەرۆکێ کۆمسیۆنا بلندا سەربەخۆیا هەلبژارتن و راپرسییێ ل هەرێما کوردستانێ گۆت، ژ پێخه‌مه‌ت ئامادەکارییێن هه‌لبژارتنێن په‌رله‌مانێ كوردستانێ پێدڤییه‌ له‌ز د کاراکرنا کۆمسیۆنێ دا بهێته‌ كرن، چونکی هندی رۆژه‌كێ زووتر بهێته‌ كارا كرن بۆ مه‌ باشتره‌، ئه‌م ژی دێ شێین زووتر ئامادەکارییان بۆ هەلبژارتنان کەین.

هندرین محەمەد سالح، زێده‌تر بۆ ئاژانسا خانی دبێژیت: کاراکرنا کۆمسیۆنا بلندا سەربەخۆیا هەلبژارتن و راپرسییێ د دەستهه‌لاتا پەرلەمانێ کوردستانێ دایە و ل وێرێ لژنەكا پێنج کەسی هاتییه‌ دروست كرن، ئەو وی کاری دکەن، ئه‌و لیژنە دێ بریارێ ده‌ت” كانێ دێ چاوا کۆمسیۆن هێته‌ کار كرن، چونکی نوكه‌ مه‌ دو ئەندام نەماینە و حەفتێن دیتر ژی ده‌مێ وان ب سەرڤه‌ چوویە” به‌لێ په‌رله‌مانێ كوردستانێ دشێت ب بریاره‌كێ كۆمسیۆنێ كارا بكه‌ت و ئه‌ندامێن نوو ده‌ست نیشان بكه‌ن” یان ژی هه‌ر وان ئه‌ندامێن به‌رێ دیار بكه‌ن و كارێ خۆ بكه‌ن.

ناڤهاتی گۆت ژی: جاره‌كا دی دبێژم” گه‌له‌ك یا گرنگە له‌ز د کاراکرنا کۆمسیۆنێ دا بهێته‌ كرن” داكو ئه‌م ژی دەست ب ئامادەکاری یێن خۆ بكه‌ین، چونکی هه‌ر رۆژه‌ك بۆ مه‌ گه‌له‌كه‌ و چه‌ند زووتر بهێته‌ كارا كرن” ئه‌م ژی دێۆ زووتر به‌رهه‌ڤییان كه‌ین و ئه‌ز حه‌ز دكه‌م سوبه‌هی سێشه‌مبی كۆمسیۆن بهێته‌ كارا كرن.