سەرۆکێ فراکسیۆنا پارتی: مــە بۆچوونا خۆ ل دۆر کۆرسی یێن پێكهاتان گــەھاندییە نەتەوێن ئێکگرتی

ئاژانسا خانی ” تایبەت:

سەرۆکێ فراکسیۆنا پارتی ئاشکرا کر، یۆنامی دو پێشنییار ل دۆر کۆرسی یێن پێكهاتان داینە پارتی و ئێکەتییێ ھەروەسا دیار کر، پارتی ل گەل وێ چەندێیە پێکھاتە بخۆ بریارێ لدۆر پشکدارییا ھەلبژارتنێن پەرلەمانێ کوردستانێ بدەن.

زانا مەلا خالد، سەرۆکێ فراکسیۆنا پارتی ل پەرلەمانێ کوردستانێ بۆ ئاژانسا خانی دیارکر” نەتەوێن ئێکگرتی  دو پێشنیار داینە پارتی و ئێکەتییێ لدۆر پشکدارییا پێکھاتان ل ھەلبژارتنێن پەرلەمانێ ھەرێما کوردستانێ، پشکەکا پێکھاتان ل گەل دیارکرنا کۆرسی یێن پێكهاتانه‌ بۆ پارێزگەھا سلێمانییێ، بەلێ ھندەکێن دی دخوازن سیستەمێ ئێک بازنە بۆ کۆرسی یێن کۆتایان بھێتە بجهئینان و کۆرسی یێن کۆتا ل سەر پارێزگەھان نەھێنە بەلاڤکرن.

ناڤهاتی گۆت ژی” پارتی دگەل وێ چەندێیە پێکھاتە بخۆ بریارێ لدۆر پشکدارییا ھەلبژارتنان بدەن، پێکھاتە لسەر چ میکانیزمەکی بگەھنە رێکكەفتنێ پارتی رێزێ ل بۆچوونا وان دگریت و ھەمان ھەلویستێ خۆ مە گەھاندییە یۆنامی، ھەڤرکی یێن لسەر کۆرسی یێن کۆتا دێ دووماھی هێت” ئەگەر ئێکەتی دەست ژ ڤێ پرسێ بەردەت.