عێراق سالانە 17 ملیۆن مەترێن سێجا یێن گازا سروشتی دسۆژیت

     

رۆژناما ئەلسەباح زمانحالێ فەرمی یێ حکومەتا عێراقێ دیار كرییه‌” عێراق سالانە 17 ملیۆن مەترێن سێجا یێن گازا سروشتی دسۆژیت و ژ بلی زیانێن ئابووری، ئێکە ژ ژێده‌رێن پیسبوونا ژینگەهێ ژی” عێراق %57 ێ ژ پێدڤی یێن گازا سروشتی ژ ئیرانێ دئینیت، کو تێچوویێ سالانه‌ نێزیکی 4 ملیار دۆلارانە.

هه‌روه‌سا گۆتییه‌” عێراق د باشترین ره‌وش دا دشێت ب تنێ %43 ێ ژ پێدڤی یێن ناڤخۆ ژ گازا سروشتی بەرهەم بینیت، ئەگەر گربەستێن عێراقێ ل گه‌ل کۆمپانیا تۆتال یا فرەنسی ل باشوورێ وه‌لاتی د ده‌مێ خۆ دا ته‌مام ببیت، هێشتا عێراق نه‌شێت هه‌تا سالا 2027 ێ” دەستبەرداری گازا ئیرانێ ببیت.

عەلی حەمود، رێڤەبەرێ گشتی یێ هونەری ل وەزارەتا نەفتا عیراقێ، د کۆربەندێ ئای بی بی سی ل دوبەیی راگەهاند، ئه‌و د گەشبینن کو سوتنا گازێ وه‌كی نەفتێ ل 2026 ێ بۆ 2027 ێ دێ ب دووماهی هێت، هه‌روه‌سا عێراقێ نێزیکی 45% ێ بەرهەمێ گازێ دسۆژیت، کو رۆژانه‌ دبیته‌ 2 ملیار و 800 ملیۆن پێ یێن سێجا.