وەزارەتا داراییا هەرێما کوردستانێ ده‌ربارەیی نەبوونا پارەیی ل لقا سلێمانییێ یا بانکا ناڤەندییا هەرێمێ راگەهاند، ل حەفتییا بوری 100 ملیار و ئەڤرۆ ژی 70 ملیار دینارێن دیتر مه بۆ وێ بانکێ هنارتینە.
بڕیاربوو ئەڤرۆ مووچەیێ مه‌ها ئادارێ یێ وەزارەتا پەروەردێ، کار و کاروبارێن جڤاكی بهێته دابەش كرن، بەلێ ب ئه‌گه‌رێ نەبوونا پارەیی مووچەیێ رێڤەبەرییا پەروەردا سلێمانیێ نه‌هاته دابەشکرن.
هونەر جەمال، بەرپرسێ راگەهاندنا وەزارەتا دارایی و ئابووری ل هەرێما کوردستانێ گۆت: ل حه‌فتیا بوری 100 ملیار و ئەڤرۆ سپێدێ ژی 70 ملیار دینار و سه‌رجه‌مێ گشتی هه‌تا نوكه 170 ملیار دینار ژ پارێ نەفتێ بۆ بانکا ناڤەندییا هەرێمێ ل سلێمانییی هاتییه هنارتن.
