(پارتی) سەرکەڤتنێن (وەھمی) دروست دکەتن..؟!

كۆڤان حسێن

د دیرۆکا ھەڤچەرخ یا کوردستانێدا، نینە ھێزەکا سیاسی ھندی پارتی راستی ھێرش و (ئیرھابا) فکری ببیتن، ل سەر ھەمی ئاست و قەوارەیەکێ ب ھەمی ڕەنگ و شێوەیەکێ پارتی ب ھەمی پیرۆزییێن وێ و سمبولێن وێڤە ب ھەمی دیرۆکا وێڤە بەرھنگاری ھەمی رەنگێن ھێرشا بوویە.
ئەڤە پشکەکە ژ بەردەوامییا مان و سەنگا ھێزێ ل وی بەرەیێ پارتی تێدا یاریا سیاسییا خوە دکەتن و ئەڤ ڕەوشە راستی بەرەیێ ئازادیخوازێ جەزائیر و فەلەستینێ و ھەتا ڤێتنامیان ژی بوویە, چ جارەکێ مللەتەک ل سەر ئێک ڕەوت و باوەری کوک نەبووینە و ڕەنگە ئەڤە ژ ڕوویەکیڤە دەولەمەندی بیت ئەگەر ب مینیت ل خانا ململانێ لێ ژ ناڤەڕاستا سالێن 1960ێ و ھێرڤە ب بەڕنامە و ئاراستە ئەڤ (ئەنتی پارتی) یە بۆ کلتورەک و د بیردانکەکا تەنگدا نەشیایە قۆرتال بیت، ھەتا بوویە پیڤەرەکێ سەرەکی بۆ ھندەک ڕەوتێن ژ پارتی جێواز، دبیت پارتی ل کوردستانێ حزبا ئێکێ بیت پشتی شکەستنا سالا 1975ێ دان ب ھندێ دای کوردستانێ ئێدی شیانا بەردەوامییا (پارتیا پێشەنگ) و ئێک حزبی نەمایە و ئەڤە ھەمی گول ب بشکڤن و ئازادییا سیاسی سەرھلدەتن. ھەر چەندە ئەڤە د خرابترین فلتەرێ کوژەکدا دەربازبوو و چەندین گەڕێن شەڕێ ناڤخوە لێ پەیدابوون، قەبوولکرنا ئێک و دوو و سەرەدەری دگەل ھەر قەبارەکێ دروست، ھۆنەرەکێ بێهن درێژییا سیاسی و سینگ فرەھیەکا کەلتوری دخازیت، مخان نەیارێن سیاسییێن پارتی ھەتا د ھەلبژارتنا ئیدیەمێن ململانێ ژیدا، بیاڤێ د ناڤبەرا خوە و پارتیدا گەلەک ب زەحمەتکر، بەرێز نەوشێروان موستەفا دیارکریە کا چەند خەلەتی و شاشیبوو ل دەمێ کۆچا (ژەنەڕال بارزانی) وان سەرساخی و بەھینامە نەدایە پارتی و مالا بارزان، ئەڤ دانپێدانە گەلەک درەنگ ھات و یەک ھەرجار و پاشی دانێ پێددەن و بزاڤا ئینانا بەهانەیان بۆ دکەن، ئەڤە پشکەکە ژ دیرۆکا نێزیک، کەنگی پارتی شکەستن ب سەرکەڤتن نیاسییە و کەنگی دروست ناڤ ل روودانا کریە، نەمانا شۆڕەشا ئەیلولێ پارتی ئاشکرا ب شکەستن ناسکر و چ بھانەیەک بۆ دیارنەکر و ل کۆنفرانسێ بەڕلینێ ژی ب ئاشکرای ڕەخنا خوە و شێوەیێ خوە کر پەرتوکا رێباز بەلاڤکر و ھزرا پارتی بۆ قەبوولکرنا ژبلی خوە د مەیدانێدا بوو پرەنیسب ھەتا بەرەیێ کوردستانی هاتییە دامەزراندن، نوکە 30 سالە پارتی ب تنێ سیاسەتێ دکەت ژ ئەنجامێ چوارچووڤێ بەرتەنگبوونا نەیارێن وێ یێن سیاسی دا د گوشەگیرییا خۆ دا و نەبوونا چ پرۆژەیەکێ بەرامبەر پارتی، تەمام ئەرکێ ڤان ئالیان ژ چەپ بۆ ڕاست بوویە، ھێرش و ڕەخنە ل سەر پارتی بێی چ کارتێکرنەکێ ل سەر پارتی بکەن و پارتی ژی بێ ڕەحمانە ھەمی نەیارێن خوە یێن سیاسی ئارستەی وێ زونێ کرینە ئەوا ئەو لایەن خزمەتا پارتی پێ بکەن بیێ کو ئەو بخوە بزانن، ھێلانا مەیدانا سیاسەت و ھەلویست و ئابوور و ئاسایش و دبلۆماسی و جڤاکی بۆ پارتی، ئەڤە دانا خودێ یە ڤان ئالیان بۆ پارتی ڕەخساندی چ ئالیەکێ سیاسی نوکە ژ كەرب و ڕکێن پارتیدا خوە ب کوردستانی ناسناکن و خوە ل دیرۆک و خەبات و دەستکەڤتێن سیاسی ناکەنە خودان، هەر تشت بۆ پارتی ھێلاینە و پارتی ژی شارەزایانە ڕەفتارێ دکەتن و ئەڤە چەندین جاران ژی ھەمی گاڤا مایە حزبا ئێکی، دبیت پارتی باشترین نەبیت و دبیت پارتی ژی ب قیمەت قەبارێ خوە خالێن لاوازییێ ھەبن و رەنگە خەلەتییێن سیاسی ژی ھەبن، لێ پارتی ب پشت گەرمی کاروانێ د ھاژۆت نەمازە ل نەمانا ھەڤرکییا نوکە ھەمی دژی پارتی میدیایەکا ئاشکرا و نەپەنی ل کارە ھەمی پرۆژەیەکێ کوردستانێ ژ سەرھلدان و فیدرالی و ئابوورێ سەربەخو و ڕیفراندۆمێ و ھەمی کار و دەستکەڤتێن دی، بۆ پارتی حاشاتیێ ژێ دکەن و نوکە پارتی ب ھندێ گۆنەھباردکەن، پارتی د کەیسێ ئابووریدا شکەستن ئینا و رادەستی بەغدا بوو، پارتی ڤێ ب دەستکەڤت دزانیت.نەمازە نەیارێن سیاسی یێن پارتی ژ (دەرڤەی بازنەی) بوون ل دەمەکێ ھەستیارترین بادەکا کوردستانێ دھاتە گەنگەشەکرنێ ل میدیایێ تەماشە دکرن، ئەڤ ھێرشا ل سەر پارتی بێ ڕامانە وەکی ھەمی ئالی ب حەزا خوە دەست ژ ھەمی بەرپرسیاریەتییێن خوە یێن نەتەوایەتی بەرددەن، مامۆستا (ئەبو بەكر کاروانی) ژ سلێمانیی راست دبێژیت “شولێ ھەمی حزبا بوویە (کومێنت) کرن ل سەر سیاسەتا پارتی و د ناڤبەرا پارتی و ھیزێن دی دا” ب مخابنیڤە ئێکەتی ژی خوە ئینا وی ئاستی شەڕێ کومێنتا بکەتن ل دەمێ ھەڤڕکا پارتی بۆ ل سەر پرسێن نەتەوەی و نیشتمانی، پارتی ژ ڤالاھییێ گۆتیە ئەڤ رێککەڤتنە دەستکەڤتە، وەھمەکێ بۆ خەلکێ دروستدکەتن یان ژی ژ ڕاستی پارتی ب تنێ رێککەڤتن کریە و ھەمی جیھانێ بیرۆزباھی لێکریە و ھەتا دبێژن کۆمپانییێن مەزن یێن جیھانێ یێن پەترۆلێ ژی شاندەکێ (پسپۆر) بۆ پشتەڤانییا شاندێ حکومەتا پارتی ب تنێ تێدا مای ھنارتییە بەغدا و گەھشتن ب رێککەڤتنێ. ئەگەر رێککەڤتن سەرگرت وەسا بوو وەکی ھندە سالە نەیارێن پارتی ب باشییا عیراقێ دبێن، پارتی دێ دارا ھندەکا ژبنی بڕیت و ئەگەر وەسا ژی نەبیت پارتی دێ دەڤێ وانێ سیاسی بۆ 40 سالێن دی گریت. پاشی پشتی وەختی پەشمانییێ بۆ سیاسیان راستە نەشەرمە بەلێ جھێ پرسیارێیە وەک بەرێز (مام جەلالی) بۆ کەنالێ العراقیە گۆتی ئەو (پەشیمانبوو) ژ بارزانی جودا بووی. لێ پشتی جیھانەکا خوین و خەم و دوو بەرەکییێ، ئەو تشتێ د دیرۆکێدا پارتی وەک دەستکەڤت دیارکری، خەلکەکێ دی درنگ یا زانی، راستە وەک رێککەڤتنا 11 ئادارێ و ب دەھان ڕوودانێن دی، وەخت دێ دیارکەتن پارتی تەسلیم بوویە یان ئەڤێ جارێ رێککەڤتن ب شارەزایی دگەل ئاغا و خودانێن پرسێ کریە نەک دیڤکەڤتییێن وان.