مهسرور بارزانى سهرۆكێ حكومهتا ههرێما كوردستانێ پهیوهندى ب پارێزگارێن ( دهۆك، ههولێر و ههلهبجه ) كر و پرسیارا رهوشا دهڤهرێن جوودا یێن ههرێما كوردستانێ كر.
پشتى وێ شهپۆلا ب هێز یا بارانبارین و رهشهباى كو چهند رۆژهكه ههرێما كوردستانێ ڤهگرتییه و ل چهند دهڤهران لافاو رووداینه، سهرۆكێ حكومهتێ پهیوهندى ب پارێزگارێن كوردستانێ كر و پرسیارا رهوشا دهڤهرێن وان كر.
ل دووڤ راگههاندنهكا حكومهتا ههرێما كوردستانێ، سهرۆكێ حكومهتێ پارێزگار راسپاردن كو ههموو بزاڤێن دهزگههێن حكومهتێ بۆ ههوارچوونا وهلاتییان و پێشكێشكرنا هاریكارییێن پێدڤى بۆ زیانڤێكهڤتییان بكهن، و سوپاسییا وان كر بۆ رێكارێن وان یێن كێمكرنا زیانێن لافاوان.
