<h3 style="text-align: justify;"><span style="font-size: 18pt;">سهرۆكێ ههرێما كوردستانێ دگهل سهرۆكێ پهرلهمانێ ئیتالیا كۆمبوو و راگههاند، ههرێما كوردستانێ خوازیارا پێشڤهبرن و مۆكۆمكرنا زێدهتر یا پهیوهندییێن خوهیه دگهل وى وهلاتى د ههموو ئاستاندا.</span></h3> <h3 style="text-align: justify;"><span style="font-size: 18pt;">نێچیرڤان بارزانى سهرۆكێ ههرێما كوردستانێ دگهل لۆرێنزۆ فۆنتانا سهرۆكێ پهرلهمانێ ئیتالیا كۆمبوو، سهرۆكایهتییا ههرێما كوردستانێ دراگههاندنهكێدا دیاركر، وان بهحس ل پهیوهندییێن ههرێما كوردستانێ و عیراقێ دگهل ئیتالیا و رهوشا سیاسییا عیراقێ و پێكهاتهیێن دهڤهرێ كر و هزر و بیر لێك گۆهارتن.</span></h3> <h3 style="text-align: justify;"><span style="font-size: 18pt;">نێچیرڤان بارزانى زێدهبارى دهربرینا سوپاسى و پێزانینێن ههرێما كوردستانێ بۆ پشتهڤانى و هاریكارییێن سهربازى و سیاسییێن ئیتالیا ل عیراق و ههرێما كوردستانێ، حهزا پێشڤهبرن و مۆكۆمكرنا پهیوهندییان د ههموو بیاڤاندا دگهل ئیتالیا دووپاتكر.</span></h3> <h3 style="text-align: justify;"><span style="font-size: 18pt;">وهكو دراگههاندنا سهرۆكایهتییا ههرێما كوردستانێدا هاتى، سهرۆكێ پهرلهمانێ ئیتالیا دووپاتى ل گرنگیدانا وهلاتێ خوه ب پهیوهندییێن دگهل عیراق و ههرێما كوردستانێ كر، ههروهسا ب پێزانینڤه بهحسا رۆلێ پێشمهرگهى د شكاندنا داعشێدا و حهواندن و پاراستنا ئاوارهیان ب تایبهتى ئاوارهیێن مهسیحى كر، و ل دوور ڤێ چهندێ دیاركر، گهلێ كوردستانێ دڤێت شانازییێ ب خوه ببهت.</span></h3>
