كونسۆلخانه‌یا گشتییا یونانێ ل هه‌رێما كوردستانێ راگه‌هاند، دێ دانپێدانێ ب باوه‌رنامه‌یێن وان كه‌سان كه‌ت یێن ل زانكۆیێن حكومى یێن كوردستانی وه‌رگرتین، هه‌روه‌سا ل زانكۆیێن تایبه‌ت ژى دێ دانپێدان ب زانكۆیا ئه‌مریكى عیراق ل سلێمانییێ هێته‌كرن.
كونسۆلخانه‌یا گشتییا یونانێ ل هه‌رێما كوردستانێ ل سه‌ر ئه‌كاونتێ خوه یێ فیسبۆكى دیاركر، ژ ئه‌ڤرۆ وێڤه دێ دانپێدانێ ب باوه‌رنامه‌یێن وان كه‌سان كه‌ن یێن ل زانكۆیێن حكومى یێن كوردستانێ بده‌ستڤه‌برین، و دناڤ زانكۆیێن تایبه‌ت ژى دا زانكۆیا ئه‌مریكى عیراق ل سلێمانییێ دانپێدان پێ هاتییه كرن.
راگه‌هاند ژى، ل پاشه‌رۆژه‌كا نێزیك دێ چه‌ند زانكۆیێن دى یێن تایبه‌ت چنه دلیستا دانپێدایێن وه‌لاتێ واندا، و نوكه خوێندكارێن هه‌رێما كوردستانێ دشێن ل 150 زانكۆیێن حكومى یێن یونانێ داخوازییان بۆ خواندنا ماسته‌رێ پێشكێش بكه‌ن.
