د. بێوار خنسی: پێدڤییە پتر گرنگی ب دروستکرنا بەنداڤان بهێته‌ دان

 

     ئاژانسا خانی:

د. بێوار خنسی” شیره‌تکارێ سەرۆکێ حکومەتا هەرێمێ بۆ کاروبارێن وزێ و سامانێن سروشتی” بۆ ئاژانسا خانی دیا كر: ئەگەر په‌نگاڤێن بچووك و بەنداڤ نەبان، دا کاریگەرییا وێ بارانبارینا ل چەند رۆژێن بوری ل سه‌ر باژێر و باژێركێن هەرێم ڤه‌گرتی، گه‌له‌ك زێده‌تر بیت” هه‌روه‌سا ئه‌و بارانا ل چەند رۆژێن بوری ل هه‌رێما  کوردستانێ باری ژێده‌رێن ئاڤێ ڤه‌ژاندینه و ئاستێ ئاڤا بەنداڤان بلند كرییه‌.

ناڤهاتی به‌حسێ کاریگەرییا وێ پێلا بارانبارینی یاكو ل چەند رۆژێن بوری هەرێما کوردستانێ ڤه‌گرتی كر و گۆت: ئه‌گه‌رێ سه‌رهه‌لدان و ئالۆزبوونا ئاریشا ئاڤێ ل عێراقێ بۆ گوهۆرینا سه‌قایی، کێمبوونا رێژا بارانبارینێ و گرتنا ئاڤێ ژ لایێ وه‌لاتێن جیران ڤه‌ و نەبوونا رێڤەبەرییه‌كا باش بۆ برێڤەبرنا دۆسیەیا ئاڤێ ڤه‌گه‌راند” هه‌روه‌سا هنده‌ك دەزگه‌هێن راگەهاندنێ ب ره‌نگه‌كێ به‌حسێ دروستکرنا بەنداڤان بۆ وەزارەتا چاندنێ و ژێده‌رێن ئاڤا عێراقێ کرییه‌، وەکو وێ چه‌ندێ كو 100 بەنداڤ ل هەرێما کوردستانێ بهێنه‌ دروستکرن و گۆت، “ئەوێن دهێنه‌ دروستکرن، بەنداڤ نینن، په‌نگاڤێن بچووك یێن ئاڤێنه‌ و دکەڤنە وان جهێن رووبار، بیر و کانی لێ نه‌بن و دهشکن” هه‌روه‌سا حکومەتا هەرێما كوردستانێ بریار دایە سالانە ب كێمی 25 په‌نگاڤێن بچووك ل وان جهان دروست بكه‌ن ، داكو ئاڤێ بده‌نه‌ وه‌لاتییان و ئه‌و وه‌لاتی نه‌چار نەبن بۆ ب ده‌ستڤه‌ئینانا ئاڤێ بچنه‌ باژیران و ده‌ڤه‌رێن خۆ چۆل بكه‌ن.

د. بێواری گۆت ژی، شاندێ وەزارەتا چاندنێ و ژێده‌رێن ئاڤا عیراقێ خۆشحالییا خۆ بۆ وێ پلانا حکومەتا هەرێما کوردستانێ دەربرییە و پشته‌ڤانییا خۆ بۆ وێ مه‌ره‌مێ نیشاندایه‌ و وان پێ باشه‌، ئەو په‌نگاڤێن بچووك‌ ل هه‌موو باژێرێن عێراقێ بهێنه‌ دروست کرن، “چونکی ئاڤ ل عێراقێ کێمبوویە و خه‌لكێ پێدڤی ب ئاڤێ هه‌یه‌.

هێشتا دبێژیت: قەبارێ خه‌ز‌نكرنا ئاڤێ ل عێراقێ گه‌له‌ك کێمبوویە” ل سالا 2020 ێ” نێزیکی 53 ملیار مەترێن سێجا یێن ئاڤا خه‌زنكری هەبوون، بەلێ نوكه‌ ئه‌و رێژه‌ كێمبوویه‌ و ل هەر چار بەنداڤێن سەرەکی ل حەدیسە، مووسل، دۆکان و دەربەندیخان دگه‌هیتتە هەشت ملیار مەترێن سێجا، ئەڤه‌ ژی رێژەكا گه‌له‌ك کێمە ل پێش سالا 2020 ێ ڤه‌”به‌لێ هه‌كه‌ په‌نگاڤێن بچووك و بەنداڤێن هەرێما کوردستانێ نەبانه‌، دا کاریگەرییا وێ بارانا ل چه‌ند رۆژێن بوری ل سه‌ر باژێر و باژێركێن هەرێمێ ڤه‌گرتین، دا گه‌له‌ك زێده‌تر بیت، له‌وما پێدڤییه‌ گرنگییه‌كا زێده‌تر ب دروستکرنا په‌نگاڤێن بچووك و بەنداڤان بهێته‌ دان و رێژەكا پتر بهێنه‌ دروستكرن.”

ئه‌و چه‌ند ژی خۆیا كر: هه‌ر جهێ ئاسایشا ئاڤێ لێ نه‌بیت” ئه‌و جهه‌ دێ تووشی ئاریشان بیت” چونكی ئاڤ ستوونا سه‌ره‌كییه‌ بۆ ئاڤاكرنا هه‌ر وه‌لاته‌كی و هه‌ر پلانه‌كا مرۆڤ دانیت” هه‌كه‌ ئاڤێ نه‌كه‌ته‌ دناڤدا ئه‌و پرۆژه‌ و پلانه‌ سه‌رناكه‌ڤیت” ل دهۆكێ ڤه‌دیتنێن باش بۆ چێكرنا به‌نداڤ و په‌نگاڤێن بچووك هاتینه‌ كرن و دڤێت مفا ژ وان به‌نداڤ و په‌نگاڤان بهێته‌ وه‌رگرتن” ژ پێخه‌مه‌ت ئه‌م بشێین مفایه‌كێ باش ژێ ب بینین و جۆتیار ژی دێ شێن مفایی ژ وێ ئاڤێ بینن ل وه‌رزێ هاڤینێ دا.