ڕۆژا ئێکێ یا جەژنێ دێ بارانباریت

شاڵاو هیدایه‌ت، شاره‌زایێ سەقاناسی بۆ ئاژانسا خانی ڕاگەهاند، ژ ئەڤرۆ شەمبی 15  نیسانا 2023، تا دوماهییا ڤێ حەفتییێ، هەرێما کوردستانێ دێ کەڤیتە بن کارتێکرنا پەستانەکا بلند یا باکوورێ کوردستانێ کو ژ ئورۆپا بەرەڤ دەڤەرێ ڤە دهێت، ب وی ئەگەری ژی دێ ئەسمانێ دەڤەرا مە ساهی و هەتاڤ بیت دگەل ئەورێن پارچە پارچە کو چ پێلێن بارانبارینێ نابن.”

شاڵاو هیدایەت ئاماژەکر، ژ ئەڤرۆ شەمبییێ تا دوماهییا حەفتییێ دێ پلەیێن گەرماتیێ ژ 6 بۆ 8 پلەیان بلند بن.

دیارکریە ژی،” ل دوماهییا حەفتییێ پێلا پەستانا بلند یا باکووری ل سەر دەڤەرێ نامینیت و دێ ڕێک ل بەر هاتنا پێلێن دابارینێ ڤەبن، کو دێ دەڤەرێن هەرێما کوردستانێ و دەوروبەران ڤەگریت و ڕۆژا جەژن ژی دێ یا باراناوی بیت.

ئاشکرا کر ژی، پێلێن بارانبارینێ دێ بهێز بن و دێ دووبارا مەترسیا دروستبوونا لەهیان هەبیت.