د.شاخەوان عەبدوللا: هەمی لایەن ل سەر پەسەندکرنا بودجەی ڕێککەڤتینە

جێگرێ سەرۆکێ پەرلەمانێ عیراقێ راگەهاند، سبەهی یان دوو ڕۆژێن دی دێ خواندنا دووێ بۆ پرۆژە یاسایا بودجەیێ هێتە کرن و بۆ پەسەندکرنا بودجەی ژی هەمی لایەنان ل پەرلەمانی ڕێککەفتن کریە.

شاخەوان عەبدوللا،  جێگرێ سەرۆکێ پەرلەمانێ عیراقێ د داخویانیەکا ڕۆژنامەڤانیدا ئاماژە کر، پشکا هەرێما کوردستانێ د بودجەیا گشتی یا عیراقێدا هاتیە بنەجهکرن، لورا ژی ئەو دگەل هندێنە کو پڕۆژە بودجە ژ لایێ پەرلەمانیڤە بهێتە پەسەندکرن.

دیارکر ژی، ڕۆژا سێشەمبی دێ جڤاتا نوونەرێن عیراقێ کۆمبیت و بڕیارێ دەربارەی وی کۆژمێ پارەی دەت کو بڕیارە بۆ هەرێما کوردستانێ بهێتە هنارتن، ل گۆرەی وێ ڕێککەفتنا دناڤبەرا هەولێر و بەغدا دا هاتیە کرن.

ئەڤە ددەمەکی دایە، ئەڤرۆ شەمبی 15 نیسانا 2023، موحسن مەندەلاوی، جێگرێ سەرۆکێ پەرلەمانێ عیراقێ ڕاگەهاند، ڕاپورتا لژنەیا دارایی دەربارەی پرۆژە یاسایا بودجەیێ گەهشتیە دەستێ سەرۆکایەتیا جڤاتا نوونەرێن عیراقێ و د ڕوونشتنا سبەهی ڕۆژا ئێکشەمبی دا، دێ خواندنا دووێ بۆ پڕۆژە یاسایا بودجێ کەن.