مهسرور بارزانى سهرۆكێ حكومهتا ههرێما كوردستانێ پێشوازى ل میر حازم تهحسین بهگ میرێ ئێزدییان كر و د دیدارهكێدا، دانوستاندن ل دۆر رهوشا ئێزدییان و رهوشا دهڤهرا شنگالێ ب تایبهتى هاتهكرن.
سهرۆكوهزیران زێدهبارى دووپاتكرنا پشتهڤانییا حكومهتا ههرێما كوردستانێ بۆ ماف و داخوازییێن ئێزدییان، دووپاتى ل گرنگییا بجهئینانا رێككهڤتنا شنگالێ و دهركهڤتنا میلیشی و گرۆپێن چهكدارێن نهقانوونى و ئاساییكرنا دهڤهرێ ژ پێخهمهت ئاڤهدانكرن و ڤهگهراندنا ئاوارهیان بۆ جهێن وان كر.
میرێ ئێزدییان سوپاسى و پێزانین بۆ پشتهڤانییا بهردهوام یا حكومهتا ههرێما كوردستانێ ل ئێزدییان و كێمكرنا ئێش و ئازارێن وان و گرنگیدان ب رۆلێ ئێزدییان ل دامهزراوهیێن حكومهتێ دهربرین.
