سەرۆکێ دەستەیا ژینگەها هەرێما کوردستانێ گۆت: کوالێتییا هەوایێ کوردستانێ د ئاستێ ‘ ناڤنجی’ دایه و پیسبوونا هەوایی د پلا ئێكێ یا مەترسی یێن سەر ژینگەها هەرێمێ دا دهێت و نهمانا ئاڤێ، پیسبوونا ئاخێ و پیسبوونا هەوایی مەترسییێن جددینه بۆ سەر ژینگەها هەرێمێ.
ناڤهاتی ئاشكرا كر: د کارناما کابینا نههێ یا حکومەتا هەرێما کوردستانێ دا داخواز ژ مە هاتییه کرن” کاری ل ل سەر دو تەوەرێن سەرەکی بکەین” ژ وان ژی ب کەلتۆرکرنا ژینگەھ پارێزییێ و کێمکرنا مەترسییێن ژینگەهی.”
عەبدولرەحمان سدیقی گۆت ژی، رێکخراوێن (جی ئای زێت) یا ئەلمانی و (ئێف ئێم ئای) یا فینلەندی بۆ ماوێ دو سالان هەوایێ پارێزگههێن هەرێما کوردستانێ تێستکرییە و دیار كرینه، لدووڤ ئاماران کوالێتییا هەوایێ کوردستانێ نە د ئاستهکێدایە، “کو خەلکێ هەرێما کوردستانێ بترسینن و بێژین یێ مەترسیدارە و د وی حالەتی ژی دا نینه، بێژین دلێ مه یێ ئارامه، نوكه ئهم د حالهتێ ناڤنجی داینه.
ناڤهاتی دیار كر ژی، پیسبوونا هەوایی ل پلا ئێكێ مەترسییێن وێ ل سەر ژینگەها هەرێما کوردستانێ دا دهێت، “چونکی ل هەرێما کوردستانێ مه هۆکارێن ڤهگۆهاستنا گشتی ههتا ڤی رادەیی زۆر كێم ههنه.”
