سهرۆكێ ههرێما كوردستانێ ب ههلكهفتا 36 سالیا كیمیا بارانا بالیسان، شێخ وهسانان و دولا خۆشناوهتى پهیامهك بهلاڤكر و راگههاند، ئهو دهڤهرههمى دهمان مهلبهندێ خهبات و بهرگری و بهرهنگاربوونا ستهم و زورداریا رژێمێ بوو، پێگههـ و جهێ ڤهحهواندن و پشتهڤانیا پێشمهرگه و شۆرهشێن كوردستانێ بوو. ئهڤرۆ نێچیرڤان بارزانى سهرۆكێ ههرێما كوردستانێ د پهیامهكێدا راگههاند، بیرهوهریا 36 سالیا تاوانهكا دى یا رژێما بهرێ یا عیراقێ ساخ دكهین، كو كریه دهستپێكا تاوانهكا ترسناك یا كیمیابارانكرنا خهلكێ سڤیلێ كوردستانێ، ئهوژى تاوانا كیمیا بارانكرنا خهلك و ئاخ و سرووشتێ جوانێ بالیسان و شێخ وهسانان و دۆلا خۆشناوهتییه. سهرۆكێ ههرێما كوردستانێ ئاماژه ب هندێ ژى كر، ب رێز و تهقدیرڤه ههلكهفتا شههیدێن نهمر یێن وێ تاوانێ ساخ دكهین و دبێژیت،” سلاڤ و رێزان بۆ وان ئهوێن بهر ب قوربانیدانا وێ كارهساتێ كهفتین دهنێرین، كو د وى دهمیدا رژێمێ رێك نهدا بهێنه چارهسهركرن و دگهل خێزان و كهس و كارێن خۆ نهچاربوون خو لبهر ئێش و ئازارا بگرن”. دیار ژى كر، ب بۆچوونا وى بالیسان، شێخ وهسانان و دۆلا خۆشناوهتى” ههمى دهمان مهلبهندێ خهبات و بهرگرى و بهرهنگاربوونا زولم و زۆرداریێ یا رژێمێ بوون، جهێ ڤهحهویان و پشتهڤانیا پێشمهرگه و شورهشێن كوردستانێ بوون”، ژبههندێ ئهو بۆیه ئهگهر ژبۆ هندێ ل بهارا سالا 1987ێ بكهڤیته ل بهر هێرشا رهش یا رژێمێ و كیمابارانكر”. نێچیرڤان بارزانى ب ڤێ ههلكهفتێ، دۆپاتیێ ل گرنگپێدانا زێدهتر و خزمهتكرنا باشتر یا وێ دهڤهرێ و خهلكێ وهلاتپارێز ژ ههمى لایانڤه دكهت و ل دوماهیا پهیاما خۆدا دبێژیت، “سلاڤ ل گیانێ پاكێ شههیدان و ئهڤ بیرهوهریه ههمی دهمان ب خێربیت.”
