ئه‌ڤرۆ بانكا ناڤه‌ندییا عیراقێ ئێخستنا دۆلارێ كاش بۆ ئاسته‌كێ به‌رچاڤ كێمكریه و فرۆتنا دۆلارى ژى ب گشتى كێمكریه.
ئه‌ڤرۆ بانكا ناڤه‌ندى راگه‌هاندیه، 174 ملیۆن و 564 هزار دۆلار ب شێوه‌یی كاش و حه‌واله فرۆتییه.
دیار ژى كر ئه‌و رێژا هاتیه ئاشكراكرن: 140 ملیۆن و 326 هزار دۆلار ب شوه‌یێ حه‌واله و 34 ملیۆن و 300 هزار دۆلار ب شێوه‌یێ كاشه.
بهایێ فرۆتنا وێ رێژا هاتیه حه‌واله‌كرن بۆ هژمارا بانكى ل ده‌رڤه وه‌لاتى، ب هزار و 305 دینار بۆ هه‌ر دۆلاره‌كێ بهایێ فرۆتنا كاش بۆ وه‌لاتیێن عیراقێ هه‌ر دۆلاره‌ك هزار و 310 دینارایه.
ل هه‌فتیا بوورى بانكا ناڤه‌ندى ئێخستنا دۆلارى بۆ ل بن 200 ملیۆن دۆلاران كێمكریه، دده‌مه‌كێدا به‌رى نوكه بۆ ل سه‌ر 282 ملیۆن دۆلاران زێده كربوو. هه‌روه‌سا بانكا ناڤه‌ندى فرۆتنا دۆلارێ كاش زۆر كێم كریه، دده‌مه‌كێدا به‌رى نوكه تا 60 ملیۆن دۆلاران بوو، ئه‌ڤرۆ زێده‌تره ژ 34 ملیۆن دۆلارایه.
ئه‌ڤێ چه‌ندێ كارتێكرن لسه‌ر بهایێ دولاری كریه دبازارێن عیراقێ دا كو ئه‌ڤرۆ هه‌ر 100 دولار ب بهایێ (143700 ) دیناراییه د بورسه‌یێن عیراقێ دا بازار پێدهێته كرن.
