حکومەتا هەرێما کوردستانێ ڕۆژەک کرە بێهنڤەدان

بهەلکەڤتا هاتنا سەرێ سالا ئێزدییان ڕۆژا چارشەمبییا بهێت ل گشت فەرمانگەهـ و سازییێن حکومەتا هەرێما کوردستانێ بێهنڤەدانە.

ل گۆرەی ڕۆژژمێرا حکومەتا هەرێما کوردستانێ، ڕۆژا چارشەمبی 19 نیسانا 2023، بهەلکەڤتا هاتنا سەرێ سالا ئێزدییان(جەژنا سۆر یا ئێزدییان)، ل گشت سازییێن حکومەتا هەرێما کوردستانێ دێ بیتە بێهنڤەدانا فەرمی.

جەژنا چارشەمبیا سۆر ئێک ژ جەژنێن گرنگ یێن ئایینێ ئێزدیانە، ل ئێڤارییا ڕۆژا سێشەمبی ڕێوڕەسمێن ب ڕێڤەچوونا ئەوێ جەژنێ دەستپێدکەن و د ئەوێ ڕۆژێدا کوردێن ئێزدیی دچنە پەرستگەها لالەش و 365 چرا و شەمالکان وەک نیشانەک بۆ ڕۆژێن سالێ هەلدکەن، بۆ ڕۆژا پاشتر ژی کو ڕۆژا چارشەمبییا سۆرە، ب چەندین شێوەیان پشکداریێ د ئەوێ جەژنا ئایینی یا خۆ دا دکەن.