وهزارهتا ناڤخۆیا حكومهتا ههرێما كوردستانێ، هندهك ڕێنمایێن نوى بۆ ئینانا ترۆمبێلان ژ دهرڤهی ههرێمێ دهرئێخستن.
د نڤیسارهكا وهزارهتا ناڤخۆدا هاتییه، پێدڤییه ههمی مهرجێن سلامهتییێ و تۆماركرنا ترۆمبێل و ماتۆرێن دئیننه د ناڤا ههرێمێ بهێنه ب جهئینان، ئاماژه ب نڤیسارا كۆمبوونا د ناڤبهرا شیرهتكارێ یاسایى یێ وهزارهتا ناڤخۆ و رێڤهبهر و جێگرێ رێڤهبهرێ گشتى یێ گومركێن ل پارێزگههێن (ههولێر و سلێمانى و دهۆك) بریارا دهركهڤتنا ڤان رێنمایان دایه.
ترۆمبێلێن هاتینه بكارئینان پێدڤییه ئهڤ كێماسییه تێدا نهبن:
– نهسوتبیت و نهكهڤتبیته بن ئاڤێ و نههاتبیته بڕین.
– شاسى نههاتبیته بڕین.
– دوكما دهرگههى یان بان نههاتبیته بڕین.
– ههمى ئێرباگێن وێ بهرى تۆماركرنێ كاربكهن.
