پەرلەمانتارەک: نێزیکی 200 پۆستێن کوردان ل بەغدا د ڤالانە و نه‌هاتینه‌ پر كرن

ئاژانسا خانی ” تایبەت:

پەرلەمانتارەکێ پارتی ل بەغدا ئاشکرا کر، نێزیکی ٢٠٠ پۆستێن پشکا کوردان ل بەغدا د ڤالانە و نەھاتینە پرکرن و ھندەک ژ وان پۆستان ژ لایێ کەسێن نە کورد دھێنە برێڤەبرن و پێدڤییە ئەو پۆست بھێنە وەرگرتن ژ لایێ کوردانڤە.

شوان محەمەد، پەرلەمانتارێ پارتی ل پەرلەمانێ عێراقێ بۆ ئاژانسا خانی دیارکر” نێزیکی ٢٠٠ پۆستێن پشکا کوردان ل بەغدا ڤالانە و یان نەھاتینە پر کرن ب کەسێن کورد یان ژی کەسێن عەرەب ب وەکالەت ئەوان پۆستێن کوردان بڕێڤە دبەن، دناڤدا ژی چەندین پۆسێن گرنگ و ھەستیار ھەنە و لدووڤ ده‌ستووری و ئەنجامێن ھەلبژارتنان بەھرا کوردانن و پێدڤییە ژلایێ کوردانڤە ئەو پۆست بھێنە برێڤەبرن نەک خەلکێ دی.

ناڤهاتی گۆت ژی” ھندەک ژ وان پۆستێن کوردان بەری نوکە ب ئەگەرێن جۆدا کورد تێدا ھاتینە لادان و ھندەکێن دی ژی ھەر نەھاتینە پر کرن و کورد تێدا دەست بکار نەبووینە، لەوما پێدڤییە ھەرێما کوردستانێ بزاڤان بکەت بۆ وەرگرتنا وان پۆستێن خوە ل بەغدا، چونکی ھندەک ژ وان پۆستێن کوردان د گرنگن بۆ ھەرێما کوردستانێ و ھەبوونا کەسێن کورد بۆ برێڤەبرنا وان پۆستان دێ کاریگەری یێن خوە ھەبن.