به‌غدا دێ سیسته‌مه‌كێ رادارێ ده‌ته‌ هه‌رێما كوردستانێ

عیراق دێ سێ سیسته‌مێن رادارێ بۆ چاڤدێریكرنا ده‌ربازكرنا سنۆرێ ئاسمانى كریت و ئێك ژ وان ل هه‌رێما كوردستانێ جهگیر كه‌ت.

هه‌تا نوكه‌ عیراقێ سیسته‌مێ رادارێ بۆ ئاشكراكرنا سنۆرده‌ربازكرنا ئاسمانى ژلایێ فرۆكانڤه‌ نه‌بوویه‌، وه‌زاره‌تا به‌ره‌ڤانییا عیراقێ هه‌ڤبه‌ست دگه‌ل فره‌نسا بۆ كرینا سێ سیسته‌مێن رادارێ فرۆكه‌یان ئیمزاكرییه‌،  و دێ ئێك ژ وان ل هه‌رێما كوردستانێ جهگیر كه‌ت.

ئه‌و سیسته‌مێ رادارێ یێ كو دێ عیراق ده‌ته‌ هه‌رێما كوردستانێ، دێ ل ده‌ڤه‌رێن سنۆرى هێته‌ جهگیركرن، دوو سیسته‌مێن دیژى دێ ل ناڤه‌راست و باشوورێ عیراقێ بن.

ل سالا 2019ێ بریار ل سه‌ر كرینا وان راداران هاتبوو دان، ل سالا 2021ێ هووركارییێن هه‌ڤبه‌ستێ هاتبوونه‌ تمامكرن و پاره‌یێ كرینا وان هاتبوو دان، ئه‌و هه‌رسێ سیسته‌مه‌ گه‌هشتینه‌ عیراقێ و جهگیركرنا وان مایه‌.