ده‌سته‌یا گشتییا گه‌شتوگوزارێ ل هه‌رێما كوردستانێ ل دۆر به‌رهه‌ڤییێن وان بۆ هاتنا گه‌شتیاران ل رۆژێن جه‌ژنا ره‌مه‌زانا پیرۆز دیاركر، وان ب رێكا رێڤه‌به‌رییێن گشتییێن گه‌شتوگوزارێ ل باژێران، پاكێجه‌كا گه‌شتیارى بۆ پێشوازیكرنا گه‌شتیاران هاتییه دانان داكو ب شێوه‌یه‌كێ رێكخستى و باشتر پێشوازى ل گه‌شتیاران بهێته‌كرن.
ل دۆر ئامارێن هاتنا گه‌شتیاران بۆ هه‌رێما كوردستانێ، ده‌سته‌یا گشتییا گه‌شتوگوزارێ ئاشكراكر، ل سالا بوورى 25%ێ یا گه‌شتیارێن هه‌رێما كوردستانێ دبیانى بوون و ژ ده‌رڤه‌ى عیراقێ هاتبوون، چاڤه‌رێ دهێته‌كرن ئه‌ڤساله رێژه‌یا هاتنا گه‌شتیارێن بیانى زێده‌تر لێ بهێت.
هه‌روه‌سا دیاركر، ل سێ هه‌یڤێن ده‌ستپێكێ یێن سالا 2023ێ، زێده‌تر ژ دوو ملیۆن گه‌شتیارێن ناڤخۆ و ده‌رڤه سه‌ره‌دانا هه‌رێما كوردستانێ كرییه، و ئاماژه ب هندێ دا، حه‌زا هاتنا گه‌شتیاران بۆ هه‌رێما كوردستانێ زێده‌بوویه، و پشكه‌ك ژ گه‌شتیارێن وه‌لاتێن كه‌نه‌دا و وه‌لاتێن ئاسیا وه‌كو چین، تایوان ژبه‌ر سرۆشتێ جوانێ كوردستانێ دخوازن سه‌ره‌دانا هه‌رێما كوردستانێ بكه‌ن.
