<h3 style="text-align: justify;"><span style="font-size: 18pt;">مه‌زنترین بودجه د مێژوویا عیراقێدا پشتى سالا 2003ێ، پرۆژه قانوونا بودجه‌یا ئه‌ڤساله‌یه كو 199 ترلیۆن دینارن، لێ كێمترین پشك بۆ هه‌رێما كوردستانێ هاتییه دانان كو 12.67%یه، نوكه ده‌نگێن نه‌رازى ل سه‌ر وێ پشكا كێم یا هه‌رێما كوردستانێ هه‌نه و داخوازا كێمكرنا وێ پشكێ ژى دهێته‌كرن.</span></h3> <h3 style="text-align: justify;"><span style="font-size: 18pt;">چیایى ته‌یموور په‌رله‌مانتارێ پارتى ل په‌رله‌مانێ عیراقێ بۆ ئاژانسا خانى دیاركر، نه‌حه‌ز گه‌له‌كن و دڤێن موزایه‌دێ بكه‌ن و ده‌نگێن جاددێ بده‌ستڤه‌ببه‌ن، نوكه تشته‌ك دروستبوویه كو هه‌ر كه‌سه‌كێ ب دژى هه‌رێما كوردستانێ باخڤیت، ده‌نگێ وى بلندتره و ل هه‌لبژارتنان دێ پتر ده‌نگان بده‌ستڤه‌به‌ت له‌وما هند به‌حسا هه‌رێمێ دكه‌ن، ژبه‌ركو ئه‌وبخۆ ژى دزانن ئه‌و پشكا هه‌رێمێ یه و ژ مافێ ره‌وا یێ هه‌رێمێ ژى كێمتر، و ئه‌و چاڤه‌رێ دكه‌ن كو هنده‌ك كه‌س هه‌بن ئه‌وێ رێككه‌ڤتنا دناڤبه‌را حكومه‌تا هه‌رێما كوردستانێ و حكومه‌تا عیراقێدا هه‌ى تێك بده‌ن.</span></h3> <h3 style="text-align: justify;"><span style="font-size: 18pt;">ل دووڤ نڤیسارا وه‌زاره‌تا پلاندانانا عیراقێ رێژه‌یا ئاكنجییێن هه‌رێما كوردستانێ 14%ێ یا ئاكنجییێن عیراقێ پێك دئینیت، لێ پشكا هه‌رێما كوردستانێ دبودجه‌یا عیراقێدا 12.67%ێ یه، له‌وما ده‌ستكاریكرن د پشكا هه‌رێما كوردستانێدا دبیته جهێ نه‌رازیبوونا په‌رله‌مانتارێن كورد.</span></h3>
