شاندەکێ ناڤەندا خانی دێ ل فره‌نسا پشکدارییێ د چالەکییه‌كێدا كه‌ت

سوبەھی 22ى نیسانا 2022ێ شاندەکێ ناڤەندا خانی یا رەوشەنبیری و راگەھاندنێ دێ پشکدارییێ د چالاکییەکێدا ل فرەنسا کەت، و ئەڤ شاندە پێکھاتییە ژ بەرپرسێ ناڤەندا خانی (ئێحسان ئامێدی)، و پارێزەر (کاروان ھرۆری).

ئەڤ چالاکییە ژلایێ رێکخراوا نێڤدەولەتییا قوربانیێن جینوسایدا كورد ل فرەنسا (AMVGK) ب ھەڤکاری دگەل ناڤەندا خانی یا رەوشەنبیری و راگەھاندنێ ھاتییە رێکخستن.

چیا ئەمین، بەرپرسێ رێکخراوا ناڤبری تایبەت بۆ ئاژانسا خانى دیاركر: وان ل بەرە سوبەھی كوربەندەکی ل دۆر (ناساندنا جینوسایدا کوردان ژ لایێ مێژوویی و قانوونی ڤە) ل هولا كۆنفرانسان ل باژێرڤانییا (مۆنتوبان – فرەنسا) سازبکەن، کو تێدا بەرپرسێ ناڤەندا خانی دێ سمینارەکێ ل دۆر قووناغێن جینوسایدێن کوردان پێشکێشکەت، زێدەباری دیارکرنا چەندین پێزانێن قانوونی ل دۆر جینۆسایدێ ژلایێ پارێزەر کاروان ھروریڤە.

ھەژی گۆتنێ یە کو سەرۆکێ باژێرڤانییا مۆنتوبان دگەل شاندەکێ پەرلەمانتار و پارێزەرێن فرەنسی، و سەرۆکێ فیدراسیۆنا کۆمەلێن کورد ل فرەنسا، زێدەباری چەندین کوردێن ل فرەنسا ئاکنجی، دێ به‌رهه‌ڤبن.