به‌رپرسه‌كێ پێشمه‌رگه‌یی: ره‌وشا گوندێ په‌لكانه‌ یا ئالۆزه‌ و هه‌تا نوكه‌ نه‌هاتییه‌ چاره‌سه‌ر كرن

ئاژانسا خانی:

نوری حه‌مه‌ عه‌لی” به‌رپرسێ میحوه‌رێ كه‌ركووك پردێ یێ هێزا پێشمه‌رگه‌یێ كوردستانێ” تایبه‌ت بۆ ئاژانسا خانی گۆت” ژ ئه‌گه‌رێ وی شه‌رێ دناڤبه‌را كورد و عه‌ره‌بێن هاورده‌ ل گوندێ په‌لكانه‌ چێبوویی” هێزێن عیراقی چوووینه‌ گوندێ په‌لكانه‌ و نوكه‌ دناڤا وی گوندی دا هاتینه‌ جهگیر كرن و دیسان هژماره‌كا زۆرا عه‌ره‌بێن هاورده‌ هاتینه‌ وی گوندی و وان نییه‌ته‌كا خراب هه‌یه‌.

ناڤهاتی ئه‌و ژی گۆت: مه‌ گۆمان ل سه‌ر وێ هێزا عیراقی هه‌یه‌” كو به‌رگرییێ ژ خه‌لكێ گوندێ په‌لكانه‌ و گوندێن وێ ده‌ڤه‌رێ ناكه‌ن و نوكه‌ ئه‌م به‌رده‌وام چاڤدێرییا ره‌وشا وێ ده‌ڤه‌رێ دكه‌ین و هه‌تا نوكه‌ ئالۆزی یێن گوندێ په‌لكانه‌ د به‌رده‌وامن و نه‌هاتییه‌ چاره‌سه‌ر كرن.

نوری حه‌مه‌ عه‌لی گۆت ژی: مه‌ وه‌كو هێزا پێشمه‌رگه‌یی په‌یامه‌ك بۆ هێزێن عیراقی هنارتییه‌ كو ره‌وشا وێ ده‌ڤه‌رێ ته‌نا بكه‌ن و به‌رۆڤاژی دێ هێزێن پیشمه‌رگه‌یی هه‌لویست هه‌بیت.