مهسرور بارزانی، سهرۆكێ حكومهتا ههرێما كوردستانێ، ئەڤرۆ ب هەلكەفتا سالڤەگەڕا ڕۆژنامەڤانییا كوردی و دامەزراندنا ئێكەم ژمارا ڕۆژناما كوردستان پەیامەكا پیرۆزباهییێ بەلاڤكر.
ئەڤە دەقێ وێ یە؛
ب هەلكەفتا سالڤەگەڕا ڕۆژنامەڤانییا كوردی و دامەزراندنا ئێكەم هژمارا رۆژناما “كوردستان” ژ ئالییێ میر میقداد مەدحەت بهدرخان و سالڤهگهڕا دامهزراندنا سهندیكایا ڕۆژنامهڤانێن كوردستانێ, گهرمترین پیرۆزباهییێ ل ڕۆژنامهڤان و میدیاكارێن كوردستانێ دكەم و هیڤییا پێشكەفتن و بهردهوامییێ بۆ دخوازم.
بزاڤا رۆژنامهڤانی و ئازادییا هزرێ و ڕاگەهاندنێ ل ههرێما كوردستانێ، د پێشڤهچوون و گهشەبوونا بهردهوام دایه و حكومهتا ههرێما كوردستانێ دێ یا بهردهوام بیت د پشتهڤانیكرنا ئازادییا ڕاگەهاند و پێكئینانا ژینگهههكا ساخلەم ژ بۆ رۆژنامهڤانان, دا كو ب ئاوایهكێ ئازاد و د چارچووڤێ یاسایێن بهركار و ئێتیكێن كارێ ڕۆژنامهڤانییێ و پیڤەرێن ناڤدهولهتی, كار و ئەركێن خۆ بجهبینن.
هیڤیدارم رۆژنامهڤان و میدیاكارێن كوردستانێ، كاربكەن ژ بۆ پێشڤهبرن و پاراستنا ئاسایشا جڤاكی و كەلتوورێ پێكڤهژیانا ئاینیی و نهتهوەی و گرنگیدانا مژارێن نشتیمانی و داكۆكیكرن ل ئەزموونا ههرێما كوردستانێ وهك قهوارهیهكێ یاسایی و دهستووری و جهێ هیڤییا ههمی كوردستانیان.
هیڤیدكەم ئارمانجا سهرهكییا میدیاكارێن كوردستانێ، گەهاندنا ڕاستی و زانیارییێن باوەرپێكری و ههڤسهنگ و خزمهتكرنا وەلاتییان و وهلاتییێن كوردستانێ و بهرهڤانیكرنا مافێن وەلاتییێن كوردستانێ بیت. نابیت دهزگههێن ڕاگەهاندنێ، ببیتە ڕێكەك ژ بۆ بهلاڤكرنا هزرا توندرهوی و هاندانا توندوتیژیێ و سڤكاتیكرن ب وەلاتی و بها و سەمبۆلێن نهتهوەی و نشتیمانی.
د ئەڤێ رۆژێدا ب ڕێز و پێزانین ڤه، سالڤەگەڕا ههمی ئەو رۆژنامهڤان و نڤیسەر و رهوشهنبیرێن كوردستانێ ب بیر و بهرههمێن خۆ دكەین، كو خزمهتهكا مەزن بۆ زمان و ڕهوشهنبیرییا كوردی و دۆزا ڕهوا یا گهلێ كوردستانێ كرییە.
مەسرور بارزانی
سەرۆکێ حکومەتا هەرێما کوردستانێ
Like this:
Like Loading...
