دەستەیا گشتییا دەڤەرێن کوردستانی یێن ژ دەرڤەی هەرێما کوردستانێ ڕاگەهاندیە ب مخابنیڤە ئەڤە چەندین جارە ل دەڤەرا سەرگەڕان و ب دیارکری ل سنوورێ گوندێ پەڵکانە یێ سەر ب پارێزگەها کەرکووکێ ڤە، هێرشی ئاکنجییێن دەڤەرێن کوردی دهێتە کرن و د ڕۆژا ئێکێ یا جەژنا ڕەمەزانێدا، ل شوینا پیرۆزکرنا جەژنێ و گەردەن ئازای و غێڕانا شرینییێ جەژنێ، عەرەبێن هاوردە هێرشی ئاکنجییێن دەڤەرێن کوردی دکەن و خۆشیا جەژنێ د گۆهڕن بۆ تێکدان و گەفکرن و کەربو کینێ و هێرشی خودانێن ئەردی و ڕەز و بیستانێن چاندی یێن دەڤەرێ دکەن.
ئاماژە کریە، ب مخابنیڤە ئەڤ هێرشێن داگیرکرنا گوندان و خرابکرنا وان ب سایا حکومەتێن پشتی ژناڤچوونا سەدامی ژی یا بەردەوامە و رووددەت، ئەڤەژی دادگەهـ و دادپەروەرییا عیراقێ د ئێخیتە هەمبەر بەرپرسیارەتیەکا مەزن، ددەمەکی دایە ئەم شەرمزار دکەین و دلگرانیا خۆ یا توند ڕادگەهینین، چاڤەڕێین ژ کابینەیا محەمەد شیاع سوودانی سنوورەکی بۆ ئەڤی جۆرێ دژایەتییێ ب دانیت و دووبارە و سەدبارە دووبارە نەبیت وەکی د نوکە دا بەرچاڤ دبیت.
دیارکریە، د هەمان دەمدا هەمی لایەکی پشتڕاست دکەین ب بزاڤێن دلسوزان نوکە ڕەوشا دەڤەرێ یا ئارامە، بەلێ ب دیتنا مە بنەمایێ گشتی یێ ماددێ 140 چارەسەربوونا ئێکجاری یا ئاریشەیانە، چونکی هێرش و گەفێن چەکداری نە برینان دەرمان دکەن و نە وەلاتییێن کورد یێن وان دەڤەران دێ ب ڤان کریاران بێدەنگ بن.
ئاشکەرا کریە ژی، ل دوماهیێ هەمی لایەکی پشتڕاست دکەین ب بزاڤێن دلسوزان نوکە ڕەوشا دەڤەرێ یا ئارامە، بەلێ ب دیتنا مە بنەمایێ گشتی یێ ماددێ 140 چارەسەربوونا ئێکجاری یا ئاریشەیانە، دەربارەی ئەڤێ چەندێ ئەم بەرێخودانێ بۆ نسەرۆکایەتییا کۆماری و وەزیر و فڕاکسیۆنێن کوردی ل بەغدا دکەین کو شیانێن خۆ یێن دەستووری و ل ئاست بجهئینانا ئەڤی ماددەیێ دەستوری بێخنە کاری، ژ لایەکێ دی ژی ڤە بزاڤێن خۆ زێدەتر بکەن بۆ نەهێلانا ڤێ یاسا شکێنییێ و زێدەگاڤییان.
