<h3 style="text-align: justify;"><span style="font-size: 18pt;">راگرتنا هنارده‌كرنا په‌ترۆلا هه‌رێما كوردستانێ د ئێك هه‌یڤدا 190 ملیۆن دۆلاران زیان ب داهاتێ گشتییێ عیراقێ و زێده‌تر ژ 12 ملیۆن دۆلاران ب كه‌ركووكێ گه‌هاندییه، زێده‌بارى هندێ ئه‌و 378 هزار به‌رمیلێن په‌ترۆلێ یێن رۆژانه ژ هه‌رێما كوردستانێ دهێنه هنارده‌كرن كو ل 30 رۆژێن راگرتنا هنارده‌یا په‌ترۆلێ، ب كوژمێ 642 ملیۆن و 978 هزار دۆلاران زیان ب داهاتێ گشتییێ عیراقێ گه‌هاندییه.</span></h3> <h3 style="text-align: justify;"><span style="font-size: 18pt;">ل 25ى ئادارا بوورى هنارده‌كرنا په‌ترۆلا كوردستانێ ژلایێ توركیاڤه ژبه‌ر بریاره‌كا دادگه‌ها نێڤده‌وله‌تییا پاریسێ هاتبوو راگرتن، دادگه‌هێ ل سه‌ر سكالایه‌كا عیراقێ ب دژى توركیا بۆ هنارده‌كرنا په‌ترۆلا هه‌رێما كوردستانێ دبه‌رژه‌وه‌ندییا عیراقێدا بریار دا، و ل سه‌ر بنه‌مایێ ئه‌وێ بریارێ هنارده‌كرنا په‌ترۆلا هه‌رێما كوردستانێ هاته راگرتن و توركیا راگه‌هاندبوو دێ پابه‌ندى بریارێ بیت.</span></h3> <h3 style="text-align: justify;"><span style="font-size: 18pt;">زیانێن راگرتنا هنارده‌كرنا په‌ترۆلا هه‌رێما كوردستانێ د ماوێ 30 رۆژاندا 642 ملیۆن و 978 هزار دۆلارن، كو رۆژانه 378 هزار به‌رمیلێن په‌ترۆلێ ب بهایێ 63 دۆلاران دهێنه هنارده‌كرن.</span></h3>
