سارا دلشاد: پێکھاتەیان رەتکرییە دو کۆرسی بۆ سلێمانییێ بن

ئاژانسا خانی ” تایبەت:

ئەندامەکا لژنا قانوونی ئاشکرا کر، پێکھاتەیان پێشنیارا یۆنامی رەتکرییە و رازینا بن دو کۆرسییێن کۆتایان بدەنە پارێزگەھا سلێمانییێ و گۆت ژی، ئەگەر لایەنێن سیاسی بگەھنە رێکكەفتنێ ھەیڤا گولانێ دێ پەرلەمان کۆم بیت.

سارا دلشاد، ئەنداما لژنا قانوونی ل پەرلەمانێ کوردستانێ بۆ ئاژانسا خانی دیار کر” یۆنامی پێشنیار کرییە بۆ چارەسەرکرنا بابه‌تێ کۆرسییێن کۆتایان دو کۆرسییان بدەنە پارێزگەھا سلێمانییێ کۆرسییەکا تورکومانان و ئێکا کریستییانان، بەلێ وەک پێکھاتە ئەو پێشنیار ھاتییە رەتکرن و ب چ ره‌نگان رازینابین کۆرسییێن کۆتایان ل سەر پارێزگەھان بھێنە بەلاڤکرن، ب تنێ ب مەرجەکی کۆرسییێن کۆتایان بھێنە زێدەکرن” ژنوو ئەم دێ رازیبین دو کۆرسییان بدەینە سلێمانییێ.

لدۆر کۆمبوونا پەرلەمانی ژی گۆت” پێدڤییە ھەیڤا بهێت کۆمبوونا پەرلەمانی بھێتە كرن بۆ کاراکرنا کۆمسیۆنێ و راستڤەکرنا قانوونا ھەلبژارتنان، ژبەرکو دەم یێ د بوریت و کۆمسیۆنا ھەلبژارتنان پێدڤی ب شەش ھەیڤانە ھەتا بەرھەڤییان بۆ پرۆسا ھەلبژارتنان بکەت، پەرلەمان یێ بەرھەڤە بۆ کۆمبوونێ ئەگەر لایەنێن سیاسی ل دەرڤەیی پەرلەمانی بگەھنە رێکكەفتنێ ھەر دەمێ رێکكەفتن ھاتە کرن” ئێکسەر پەرلەمان دێ کۆم بیت.