ل گۆری زانیارییێن ئاژانسا خانی، پشتی دۆڕاندنا ئەڤرۆ یا دهۆكێ ل سه‌ر ده‌ستێ یانه‌یا تەلەبە،ژ هه‌ڤركییێن گه‌را 25ێ یا خۆلا نایابا عیراقێ، سلێمان رەمەزان راهێنەرێ یانا دهۆكێ نامەیا دەست ژكاركێشانا خوە پێشكێشی كارگێرییا یانه‌یێ كر.
ل ڤێ دووماهییێ دهۆك كه‌ڤته دره‌وشه‌كا خرابدا و زنجیره‌یه‌كا ئه‌نجامێن لاواز تۆماركرن، كو د دووماهیك چار یارییێن خۆلا نایابا عیراقێدا نه‌شیایه سه‌ركه‌ڤتنێ تۆماربكه‌ت و نوكه‌ب 36 خالان پاشڤه‌چوویه رێزا حه‌فتێ.
ژبه‌ر ئاستێ لاوازێ تیمێ و كاودانێن كارگێرییا یانه تێدا دبووریت، سلێمان ره‌مه‌زانى ده‌ست ژ كاركێشانا خوه پێشكێشكر، لێ ل دووڤ زانیارییان هه‌تا نوكه كارگێرییێ چ بریار ل سه‌ر داخوازا وى نه‌داینه، و پێشبینى ناهێته‌كرن ل سه‌ر ده‌ست ژ كاركێشانا وى رازى ببیت.
