د سالڤەگەڕا 49 سالییا بۆمبەبارانكرنا زانکۆیا سلێمانییێ و باژێڕێ قەلادزێدا، ب ڕێز ئەڤێ هەلكەفتا شەهید و قوربانییێن ئەو تاوانا ڕژێما پێشتر یا عیراقێ دكەین، سەڕێ ڕێزێ ل بەر گیانێ پاك دچەمینین و سلاڤ بۆ خێزان و كەسوكاڕێن سەربلند دهنێرین.
ئارمانجگرتن ژ زانكۆیا سلێمانی و باژێڕێ قەلادزێ، بزاڤەكا دی یا ڕژێمێ بوو بۆ شكاندنا ئیرادا وەلاتی و بزاڤا ڕزگاریخوازا كوردستانێ، بەلێ شەهیدكرنا قوتابی و مامۆستایێن زانكۆ و وەلاتییێن سڤیل یێن قەلادزێ، هێزەكا زێدەتر دا گیانێ بەرهنگاربوونا گەلێ كوردستانێ و ل سەر تێكۆشان و ئازادییێ ب هێزتر بەردەوام بوو.
د ئەڤێ ڕۆژێدا هەمی پشتەڤانییێ بۆ داخوازییێن وەلاتییێن نشتیمانپەروەرێن قەلادزێ دووپات دكەین و دڤێت ژ هەمی لایەكی ڤە خزمەتەكا زێدەتر بۆ دەڤەرێ بكەین، قەلادز هەردەم دەڤەرەكا شوڕەش و سەرهلدانا كوردستانێ بوو و ل پێناڤ ئازادییێدا خودان شەهید و قوربانییێن مەزنە.
سلاڤ ل گیانێ پاكێ شەهیدان بیت و ئەڤ هەلكەفتە هەردەم ب خێر بیت.
