شێروان دوبه‌ردانی: لایەنه‌كێ سییاسی دڤێت ئاریشان دناڤبه‌را لایەن و پێکهاتێن مووسلێ دا دروست بکەت

 ئاژانسا خانی:

شێروان دوبەردانی، ئەندامێ جڤاتا نوونه‌رێن عیراقێ” ل سه‌ر فراکسیۆنا پارتی دیموکراتی کوردستان” بۆ ئاژانسا خانی دیار كر: وه‌عد ئه‌لقه‌دۆ” كو نوكه‌ ئه‌ندامێ جڤاتا نوونه‌رێن عراقێ یه‌” وی بزاڤ كرینه‌” كو رێڤه‌به‌رێ ناحییا باشیكێ ل ده‌شتا نه‌ینه‌وا بهێته‌ گوهۆرین” به‌لێ مە ژی وه‌كو پارتی دیموكراتی كوردستان داخواز كرییه‌” كو رێڤەبەرێ ناحییا باشیک د  پۆستێ خۆ دا یێ بەردەوام بیت هه‌تاکو هەلبژارتنێن جڤاتێن پارێزگه‌هان دا، به‌لێ وان پلان ل دژی پارتی دیموکراتی کوردستان کرینه‌ و وان دڤێت دژاتییا كوردان بكه‌ن” ئه‌و ڤێ چه‌ندێ دكه‌ن وەکو موزایەدا هەلبژارتنان ل قەزا و ناحی یێن مووسلێ و ئه‌و ئاریشان بۆ بەرپرسێن کارگێری یێن كوردان دروست دكه‌ن”.

  ناڤهاتی گۆت ژی: وان وه‌كو نوونه‌رێن پارتی ل ده‌شتا نه‌ینه‌وا هشیاری  ده‌ربارەیی ره‌وشا دەشتا نەینەوا دایه‌، كو هژمارەكا کەس و لایەنێن سیاسی، دڤێت ئاریشە و ناکۆکی دناڤبه‌را لایەن و پێکهاتێن وی باژێری  دروست بکەن” له‌وما ئه‌و وەکو فراکسیۆنی پارتی، ل دژی هەر گوهۆرینه‌كا ئیدارینه‌ یاكو جۆداهییێ دناڤبه‌را پێکهاتان دا دروست بکه‌ت.

شێروان دوبەردانی دیار كر ژی: نوكه‌ نەینەوا ل ژێر دەستێ حکومەتا عێراقێ ژی دا نەمایە، حكومه‌تێ ژی بریارا خۆ دایه‌” مه‌ ژی به‌یاننامه‌ك ده‌ركرییه‌” بۆ سه‌رۆك كۆمارێ عیراقێ و سه‌رۆك وه‌زیرێن عیراقێ و سه‌رۆكێ جڤاتا نوونه‌رێن عیراقێ” د هه‌مان ده‌مدا هه‌موو پێكهاتێن ده‌شته‌وا نه‌ینه‌وا ژی دخوازن” كو رزوان شه‌به‌كی وه‌كو رێڤه‌به‌رێ ناحییا باشیك د پۆستێ خۆدا بمینیت” ئه‌م ژی قه‌بوول ناكه‌ین” كه‌س گه‌فان بكه‌ت و ئارامییا وێ ده‌ڤه‌رێ تێك بده‌ت.