<h3 style="text-align: justify;"><span style="font-size: 18pt;">بهرپرسێ راگههاندنا دهرییێ سنۆرییێ حاجى ئومهرانێ دیاركر، لڤینا بازرگانى ل ڤى دهرییێ سنۆرى زێدهبوویه، دڤێ ههیڤێدا رێژهیا هتنوچوونا گهشتیاران ژى دناڤبهرا ههرێما كوردستانێ و كۆمارا ئیسلامییا ئیرانێدا زێدهبوویه.</span></h3> <h3 style="text-align: justify;"><span style="font-size: 18pt;">بهرپرسێ راگههاندنا دهرییێ نێڤهدهولهتییی حاجى ئومهران، سیروان حهسهنى بۆ ئاژانسا خانى ئاشكراكر، دهرییێ سنۆرى یێ حاجى ئومهرانێ رۆژانه ل دووڤ بریار و رێنمایێن حكومهتا ههرێما كوردستانێ و وهزارهتا دارایى كارێن خوه ب رێڤه دبهت، دڤێ ههیڤێدا لڤینا بازرگانى ل سنۆرێ دهرییێ سنۆرییێ حاجى ئومهرانێ زێدهتر لێهاتییه و ئالوگۆرا بازرگانى ژى ب رێژهیهكا بهرچاڤ زێدهبوویه، ئهڤ چهنده جهێ خۆشحالییا حكومهتێ و كارگێرییا دهرییێ سنۆرییه.</span></h3> <h3 style="text-align: justify;"><span style="font-size: 18pt;">ههروهسا سیروان حهسهنى دیاركر، ژبلى ئینانا كهلوپهلان و ئالوگۆرا بازرگانى ههر دڤێ ههیڤێدا رێژهیا هاتنوچوونا گهشتیاران دناڤبهرا ههرێما كوردستانێ و كۆمارا ئیسلامییا ئیرانێدا زێدهبوویه، رۆژانه ژمارهكا مهزن یا گهشتیاران ب رێكا دهرییێ سنۆرییێ حاجى ئومهرانێ دهێنه ههرێما كوردستانێ و بهرۆڤاژى وێ گهشتیارێن كوردستانێ ژى دچنه ئیرانێ.</span></h3>
