وه‌زاره‌تا دارايى و ئابوورى يا حكومه‌تا هه‌رێما كوردستانێ ل دۆر كێشه‌يا دابه‌شكرنا مووچێ خانه‌نشينان ل سلێمانييێ روونكرنه‌ك به‌لاڤكر.
ده‌قێ روونكرنا وه‌زاره‌تا دارايى:
ل چه‌ند رۆژێن بوورى و ل ده‌مێ دابه‌شكرنا مووچێ هه‌يڤا ئادارێ يێ فه‌رمانبه‌ر و خانه‌نشينان ل چه‌ند به‌نكێن سنورێ پارێزگه‌ها سلێمانى، ئيدارا گه‌رميان و راپه‌رين جياكارى د دابه‌شكرنا مووچه‌يێ چين و ته‌خێن جوداجودا هاتييه‌كرن و ل دويڤ زورى و كێمييا مووچه و پله‌يێن وان رۆژا دابه‌شكرنا مووچه‌ى بۆ هاتييه دياركرن.
ئه‌وا هاتييه‌كرن سه‌ربه‌خۆييا به‌نكا ناڤه‌ندى يا هه‌رێم / سلێمانى بوويه و ب چ ره‌نگان وه‌زاره‌تا دارايى ژێ به‌رپرس نينه و بريارده‌رێ وى كارى دێ روويبرووى لێپرسينا ياسايى بيت.
دابه‌شكرنا مووچه‌ى ژى دێ ل دويڤ وى خشته‌ى بيت يێ ژلايێ وه‌زاره‌تا دارايى ڤه دهێته به‌لاڤكرن، هه‌روه‌كى د به‌رى نوكه دا هاتييه په‌يره‌وكرن و ژبلى وه‌زاره‌تێ كه‌سێ مافێ ده‌ستكاريكرنێ و گوهرينان د وى خشته‌ى دا نينه.
