<h3 style="text-align: justify;"><span style="font-size: 18pt;">جڤاتا نوونه‌رێن ئه‌مریكا راگه‌هاند، راگرتنا هنارده‌كرنا په‌ترۆلا هه‌رێما كوردستانێ دبه‌رژه‌وه‌ندییا ئیرانێدایه.</span></h3> <h3 style="text-align: justify;"><span style="font-size: 18pt;">مایكل مه‌ككۆل سه‌رۆكێ لژنه‌یا كاروبارێن ده‌رڤه‌ى جڤاتا نوونه‌رێن ئه‌مریكا د تویته‌كیدا نڤیسییه، ئه‌و گه‌له‌ك دلگرانن كو هێشتا به‌غدا هنارده‌كرنا په‌ترۆلا هه‌رێما كوردستانێ ده‌ستپێنه‌كرییه، راگرتنا هنارده‌كرنا په‌ترۆلا هه‌رێما كوردستانێ دبه‌رژه‌وه‌ندییا ئیرانێدایه.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، دڤێت ئیداره‌یا بایدنى فشارێ ل حكومه‌تا عیراقێ بكه‌ت داكو گه‌ف ل سه‌ر ئاسایش و سه‌قامگێرییا وزێ ل ده‌ڤه‌رێ په‌یدانه‌بیت.</span></h3> <h3 style="text-align: justify;"><span style="font-size: 18pt;">ل رۆژا 25ى ئادارا 2023ێ هنارده‌كرنا په‌ترۆلا هه‌رێما كوردستانێ ب رێكا به‌نده‌رێ جه‌یهان یێ توركیا هاتبوو راگرتن، به‌رى چه‌ند رۆژان سه‌رۆكوه‌زیرێن عیراقێ محه‌مه‌د شیاع سوودانى د دیداره‌كا رۆژنامه‌ڤانیدا دیاركربوو، ل ڤان نێزیكان هنارده‌كرنا په‌ترۆلا هه‌رێما كوردستانێ دێ ده‌ستپێكه‌ت، پشتى رێككه‌ڤتنا هه‌رێم و به‌غدا هنده‌ك رێكار بۆ ده‌ستپێكرنا هنارده‌كرنا په‌ترۆلێ هه‌نه و به‌هرا پتر یا وان رێكاران تمام بووینه.</span></h3>
