<h3 style="text-align: justify;"><span style="font-size: 18pt;">پارێزەرێ شیرەتکار بهاءالدين دەشتانی ل مالپەڕێ خۆ یێ تایبەت یێ تۆرا جڤاکی یا فەیسبووکی بەلاڤکریە، ل گۆرەی یاسا نوو، سزایێ ئەو قۆتابیێ قوپیایێ دکەت توند بوویە ژ 3 تاکو 6 سالێن زیندانکرنێ.</span></h3> <h3 style="text-align: justify;"><span style="font-size: 18pt;">بهاءالدين دەشتانی ئاماژەکریە، بلا قۆتابی و ماموستا کارمەند و چاڤدێر د ئاگەهداربن، ل گۆرەی یاسا ژمارە 13 سالا 2022 کو تازە دەرکەڤتیە سزا بڤی شێوەینە:</span></h3> <h3 style="text-align: justify;"><span style="font-size: 18pt;">"ل گۆرەی مادا 82 برگا ئێکێ ژ ڤێ یاسایێ، هەر قۆتابیەکێ قوپیایێ بکت ب هەر رێکەکا بیت هاتە گرتن دێ هێنە راپێچکرن بۆ دادگەهێ چ پسیار وەرگرتبن ب هەر رێکەکێ ب بلوتوی یان کڕینا پرسیاران یان ڤەگۆهاستن یان هاریکاربیت بۆ گەهاندنێ یان هەر رێکەکێ دێ هێتە سزادان ب زیندانکرنێ کو ژ سێ سالان کێمتر نەبیت ڤێ یاسایێ چ دەرفەتەکا دلۆڤانییێ نە هێلایە، بۆ زانین بەری ڤێ یاسایی بتنێ قۆتابێ دهاتە هژمارتن کەفتی چ ڤەکۆلینێن دی دگەل نە د هاتنە کرن."</span></h3> <h3 style="text-align: justify;"><span style="font-size: 18pt;">"ل گۆرەی ماددا 82 برگا دووێ، ئەگەر ئەو کەسە د لژنا ئەزمونان دابیت یان ماموستا بیت یان چاڤدێر بیت یان ئەو کەسێ پرسیارا بەلاڤ دکەت یان دگەهینیت سزایێ وی دوو هندی برگا ئێکێ یە ئانکو ژ شەش سالا کێمتر نەبیت دێ هێتە زیندانکرن."</span></h3> <h3 style="text-align: justify;"><span style="font-size: 18pt;">"ل گۆرەی ماددا 82 برگا سێیێ ژڤێ یاسایێ، ئەگەر قۆتابی کارمەندێ حکومەتێ بیت ئەوێ قوپیا کری یان پرسیار دزین سزایێ وی هەمان سزایێ برگا دووێ یە کو شەش سال زیندانکرنە، ئەڤجا هیڤییە ب چ ڕەنگەکی هزرێ د قوپیایێدا نەکەن ئەڤ یاسا یە یا نوو یە زۆر یا توندە بلا هەمی قۆتابی و ماموستا ئاگەهداربن.</span></h3>